ఎన్టీఆర్ అభిమానులు ప్రశాంత్ నీల్ ఎన్టీఆర్ కాంబో మూవీ కోసం ఆసక్తిగా ఎదురుచూస్తున్నారు. ఈ సినిమా ఎప్పుడు మొదలవుతుందో క్లారిటీ లేకపోయినా తారక్ ప్రశాంత్ కాంబో మూవీ ఆర్ఆర్ఆర్ సినిమాను మించిన హిట్ అవుతుందని తారక్ ఫ్యాన్స్ భావిస్తున్నారు. ప్రశాంత్ నీల్ దర్శకత్వం వహించిన కేజీఎఫ్ ఛాప్టర్2 ఈ నెల 14వ తేదీన థియేటర్లలో విడుదల కానుంది. ప్రశాంత్ నీల్ ప్రభాస్ కాంబోలో తెరకెక్కుతున్న సలార్ వచ్చే ఏడాది సమ్మర్ లో విడుదల కానుంది.
ఎన్టీఆర్ ప్రశాంత్ నీల్ కాంబో మూవీ మైత్రీ మూవీ మేకర్స్ బ్యానర్ పై తెరకెక్కనున్న సంగతి తెలిసిందే. అయితే ఎన్టీఆర్ ఫ్యాన్స్ మాత్రం ప్రశాంత్ నీల్ సలార్ విషయంలో ఫాలో అయిన విధానాన్నే ఎన్టీఆర్ మూవీ విషయంలో కూడా ఫాలో కావాలని కోరుకుంటున్నారు. కేజీఎఫ్ ఛాప్టర్2 రిలీజ్ కాకముందే ప్రశాంత్ నీల్ సలార్ షూటింగ్ ను మొదలుపెట్టారు. ప్రశాంత్ నీల్ ఇలా చేయడం వల్ల ఈ డైరెక్టర్ డైరెక్షన్ లో తెరకెక్కుతున్న కేజీఎఫ్2, సలార్ సినిమాలకు మధ్య ఎక్కువ గ్యాప్ రాలేదు.
సలార్ షూటింగ్ పూర్తైన తర్వాత తారక్ ప్రశాంత్ నీల్ కాంబో మూవీ షూట్ మొదలైతే ఈ సినిమా కూడా తక్కువ సమయంలోనే షూటింగ్ ను పూర్తి చేసుకుని 2024 సంవత్సరం ప్రథమార్థంలో రిలీజయ్యే అవకాశం ఉంది. కేజీఎఫ్2 ప్రమోషన్లలో భాగంగా ప్రశాంత్ నీల్ నుంచి తారక్ సినిమాకు సంబంధించిన అప్ డేట్ వస్తుందేమో చూడాల్సి ఉంది. అటు ప్రశాంత్ నీల్ ఇటు తారక్ ఈ సినిమాను వేగంగా మొదలుపెట్టడానికి ఆసక్తి చూపిస్తున్నారు.
కథల ఎంపిక విషయంలో, దర్శకుల ఎంపిక విషయంలో జూనియర్ ఎన్టీఆర్ ప్లానింగ్ అదుర్స్ అనిపించే విధంగా ఉందని కామెంట్లు వ్యక్తమవుతున్నాయి. అతి త్వరలో ఎన్టీఆర్ కొరటాల శివ కాంబో మూవీ సెట్స్ పైకి వెళ్లనుంది. ఇంటెన్స్ డ్రామాగా ఈ సినిమా తెరకెక్కనుండగా తారక్ కు జోడీగా అలియా భట్ ఈ సినిమాలో నటిస్తున్నారు. బడ్జెట్ విషయంలో రాజీ పడకుండా ఈ సినిమాను నిర్మించనున్నారని సమాచారం అందుతోంది.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!
