ప్రభాస్ హీరోగా రాజమౌళి డైరెక్షన్ లో తెరకెక్కిన బాహుబలి2 సినిమా ఫుల్ రన్ లో రికార్డు స్థాయిలో కలెక్షన్లను సొంతం చేసుకుందనే సంగతి తెలిసిందే. ఆర్ఆర్ఆర్ మూవీ తెలుగు రాష్ట్రాల వరకు బాహుబలి2 రికార్డులను బ్రేక్ చేసినా ఇతర రాష్ట్రాల్లో మాత్రం బాహుబలి2 రికార్డులను బ్రేక్ చేయలేదు. కేజీఎఫ్2 సినిమాకు బ్లాక్ బస్టర్ టాక్ వచ్చినా ఈ సినిమాలో ఎంటర్టైన్మెంట్ కు ప్రాధాన్యత లేకపోవడం గమనార్హం. అందువల్ల ఒక వర్గం ప్రేక్షకులు ఈ సినిమాను చూడటానికి ప్రాధాన్యత ఇవ్వలేదు.
పుష్ప2 సినిమా బాహుబలి2 రికార్డులను బ్రేక్ చేసే ఛాన్స్ అయితే ఉందని ఫ్యాన్స్ భావిస్తున్నారు. పుష్ప ది రైజ్ బాలీవుడ్ లో అంచనాలకు మించి విజయం సాధించిన సంగతి తెలిసిందే. ఈ సినిమా సక్సెస్ సాధించడంతో పుష్ప ది రూల్ హక్కులకు ఊహించని స్థాయిలో డిమాండ్ ఏర్పడింది. అయితే సినిమా షూటింగ్ పూర్తైన తర్వాతే రైట్స్ ను విక్రయించాలని మేకర్స్ భావిస్తున్నారని ఇండస్ట్రీ వర్గాల్లో వినిపిస్తోంది. బాహుబలి2 సినిమా సాధించిన రికార్డులను పుష్ప2 సినిమా బ్రేక్ చేస్తుందో లేదో చూడాల్సి ఉంది.
పుష్ప2 సినిమా బాక్సాఫీస్ వద్ద సంచలనాలను సృష్టించాలని బన్నీ అభిమానులు ఆశిస్తున్నారు. రష్మిక మందన్నా ఈ సినిమాతో తనకు క్రేజ్ మరింత పెరగడం ఖాయమని కాన్ఫిడెన్స్ తో ఉన్నారు. సుకుమార్ ఈ సినిమా స్క్రిప్ట్ విషయంలో ఎన్నో జాగ్రత్తలు తీసుకున్నారని తెలుస్తోంది. అన్ని వర్గాల ప్రేక్షకులను ఈ సినిమా మెప్పించడం గ్యారంటీ అనే కామెంట్లు వ్యక్తమవుతున్నాయి.
అల్లు అర్జున్ ప్రాజెక్ట్ ల ఎంపిక విషయంలో ఎన్నో జాగ్రత్తలు తీసుకుంటున్నారు. పుష్ప2 తర్వాత బన్నీ నటించే ప్రాజెక్ట్ లకు సంబంధించిన వివరాలు తెలియాల్సి ఉంది. బన్నీ పుష్ప2 సినిమా కోసం 100 కోట్ల రూపాయల రేంజ్ లో రెమ్యునరేషన్ తీసుకుంటున్నారని వార్తలు ప్రచారంలోకి వస్తున్నాయి. ప్రభాస్ తర్వాత ఈ స్థాయిలో రెమ్యునరేషన్ తీసుకుంటున్న హీరో అల్లు అర్జున్ మాత్రమే కావడం గమనార్హం.
Most Recommended Video
టాలీవుడ్ లో రీ ఎంట్రీ ఇవ్వబోతున్న 10 మంది హీరోయిన్స్ లిస్ట్..!
అభిమానులకు అవకాశాలు ఇచ్చి బ్లాక్ బస్టర్లు అందుకున్న హీరోలు..!
ఈ ఏడాది బాక్సాఫీస్ వద్ద సక్సెస్ అయిన 13 సినిమాల లిస్ట్..!
