‘వకీల్‌సాబ్‌’ సినిమా ప్రమోషన్స్‌కు అంతా సిద్ధం అనుకుంటున్న సమయంలో కరోనా దెబ్బేసేలా ఉంది. భారీ ప్రీ రిలీజ్‌ ఈవెంట్ ప్లాన్‌ చేద్దామని దిల్ రాజు ప్రయత్నాలు చేయగా… తెలంగాణ పోలీసు శాఖ అనుమతి నిరాకరించింది. దీంతో దిల్ రాజు టీమ్‌ ప్లాన్‌ బిగా వేరే ప్రాంతాన్ని ఎంచుకుంది. దీని కోసం పోలీసులను సంప్రదించింది. అయితే మరి ఈ కొత్త ప్రాంతంలో ఈవెంట్ పెట్టడానికి పోలీసులు అనుమతిస్తారో లేదో చూడాలి. ‘వకీల్ సాబ్’ మేనియా రెండు తెలుగు రాష్ట్రాల్లో కొనసాగుతోంది.
ఇటీవల సినిమా ట్రైలర్ విడుదల చేస్తే వింటేజ్‌ పవన్‌ ఫ్యాన్స్‌ రియాక్షన్‌ కనిపించింది. దీంతో ప్రీ రిలీజ్‌ ఈవెంట్‌ని ఇంకా భారీగా నిర్వహించాలని దిల్ రాజు టీమ్‌ అనుకున్నారు. దీని కోసం ఈ నెల 3న యూసుఫ్‌ గూడా పోలీసు గ్రౌండ్స్‌లో ఈవెంట్ పెట్టాలని ప్రయత్నించారు. అయితే కరోనా పరిస్థితుల కారణంగా పోలీసులు అనుమతి నిరాకరించారు. దీంతో కొత్త ప్లేస్ వెతికింది సినిమా టీమ్‌. తాజాగా ఏప్రిల్ 4న హైటెక్స్‌లో ప్రీ రిలీజ్‌ ఈవెంట్‌ను నిర్వహించాలని భావిస్తోంది దిల్ రాజు టీమ్‌.
అయితే మరి దీనికి పర్మిషన్ వస్తుందా? అనేది చూడాలి. నాలుగేళ్ల తర్వాత పవన్‌ కల్యాణ్‌ నుండి వస్తున్న సినిమా ఇది. వేణు శ్రీరామ్‌ దర్శకత్వంలో రూపొందిన ఈ సినిమా ఏప్రిల్ 9న విడుదలవుతున్న విషయం తెలిసిందే. శ్రుతి హాసన్‌, నివేదా థామస్‌, అంజలి, అనన్య నాగాళ్ల ఇతర ముఖ్య పాత్రల్లో నటిస్తున్నారు.
Most Recommended Video
రంగ్ దే సినిమా రివ్యూ & రేటింగ్!
అరణ్య సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
