Upasana Dress Cost: లక్షల విలువ చేసిన ఉపాసన డ్రెస్.. రేంజే వేరు?

June 16, 2022 / 07:23 PM ISTByFilmy Focus

Join Us

Upasana Dress Cost: లక్షల విలువ చేసిన ఉపాసన డ్రెస్.. రేంజే వేరు?

మెగా కోడలు ఉపాసన అపోలో హాస్పిటల్ చైర్ పర్సన్ గా, మెగా పవర్ స్టార్ రామ్ చరణ్ సతీమణిగా అందరికీ తెలిసిందే. తాజాగా రామ్ చరణ్ ఉపాసన తమ పదవ వివాహ వార్షికోత్సవం జరుపుకోవడానికి ఇటలీకి వెళ్ళిన విషయం మనకు తెలిసిందే. ఇటలీలోని ఎంతో అందమైన ఫ్లోరెన్స్ సిటీలో తమ పెళ్లిరోజును ఘనంగా జరుపుకున్నారు. ఈ క్రమంలోనే వీరి వివాహ వార్షికోత్సవానికి సంబంధించిన ఫోటోలు సోషల్ మీడియాలో వైరల్ అయ్యాయి.

ఇకపోతే ఈ ఫోటోలలో ఉపాసన ధరించిన డ్రెస్ గురించి ప్రస్తుతం సోషల్ మీడియాలో పెద్దఎత్తున చర్చలు జరుగుతున్నాయి.గ్రీన్ కలర్ సిల్క్ డ్రెస్ లో ఉపాసన చాలా అందంగా కనిపించారు. ఈ క్రమంలోనే ప్రస్తుతం ఈ డ్రెస్ గురించి చర్చలు జరుపుతూ ఈ డ్రెస్ ఖరీదు ఎంత అంటూ ఆరా తీస్తున్నారు. అయితే ఉపాసన ధరించిన ఈ డ్రెస్ లక్షల విలువ చేస్తోందని తెలుస్తోంది. ఈ డ్రెస్ కోసం ఉపాసన ఏకంగా 2,23,049 రూపాయలు ఖర్చు చేశారని తెలుస్తోంది.

ఈ విధంగా ఒక డ్రెస్సు కోసం రెండు లక్షలు పైగా ఖర్చు చేయడంతో నెటిజన్లు ఆశ్చర్యపోతున్నారు. ఉపాసన ఒక డ్రెస్సు ఖరీదుతో సామాన్యుడు ఏడాది పాటు ఎంతో స్వేచ్ఛగా జీవించవచ్చని భావిస్తున్నారు. ఎంతైనా ఉపాసనా రేంజే వేరు అంటూ ఈమె డ్రెస్ గురించి పెద్ద ఎత్తున చర్చలు జరుపుతున్నారు. ఇక వీరి వివాహం జరిగి పది సంవత్సరాలు పూర్తి కావడంతో ఈ రోజును ఈ జంట ఎంతో ఘనంగా సెలబ్రేట్ చేసుకున్నారు.

ఇక రామ్ చరణ్ ఈ ఏడాది రాజమౌళి దర్శకత్వంలో తెరకెక్కిన RRR ఈ సినిమాతో మంచి విజయాన్ని అందుకున్నారు. ఈ క్రమంలోనే వరుస సినిమా షూటింగులతో బిజీగా ఉన్న రామ్ చరణ్ తన సినిమా షూటింగులు అన్నింటికీ కొన్ని రోజుల పాటు విరామం ఇచ్చి తన భార్యతో కలిసి తన జీవితంలో ఎంతో ముఖ్యమైన ఈ రోజు ఎంతో ఘనంగా జరుపుకున్నారు. ఇకపోతే ప్రస్తుతం రామ్ చరణ్ శంకర్ దర్శకత్వంలో తెరకెక్కుతున్న సినిమా షూటింగ్ తో బిజీగా ఉన్నారు.