Trivikram: త్రివిక్రమ్ శిష్యుడు మహేష్ కోసం అసిస్టెంట్ గా మారుతున్నాడట..!

అసిస్టెంట్ గా పనిచేసిన వాళ్ళు డైరెక్టర్ గా మారిన తరువాత మళ్ళీ అసిస్టెంట్ గా మారడానికి ఇష్టపడరు. ఒకవేళ వాళ్ళు డైరెక్టర్లుగా ఫెయిల్ అయితే తప్ప. ఇదిలా ఉండగా.. రైటర్ గా, అసిస్టెంట్ గా సక్సెస్ అయిన తరువాత ఈ మధ్యనే డైరెక్టర్ గా కూడా మారి 2 హిట్లు కూడా కొట్టేసి సక్సెస్ ఫుల్ డైరెక్టర్ అనిపించుకున్నాడు వెంకీ కుడుముల. అతను తెరకెక్కించిన ‘ఛలో’ ‘భీష్మ’ చిత్రాలు సూపర్ హిట్లు అయ్యాయి. టాలీవుడ్లో ఓ బ్యాడ్ సెంటిమెంట్ ఉంది. మొదటి సినిమాతో హిట్టు కొట్టిన డైరెక్టర్.. రెండో సినిమాతో హిట్టు కొడతాడు అనే గ్యారెంటీ లేదు అనేది ఆ సెంటిమెంట్.

కానీ అలా రెండో సినిమాతో హిట్టు కొట్టిన అతి తక్కువ మంది డైరెక్టర్ల లిస్ట్ లో వెంకీ కుడుముల కూడా స్థానం సంపాదించుకున్నాడు. ఇప్పుడు ఇతని డైరెక్షన్లో సినిమాలు చెయ్యాలని హీరోలు ఉత్సాహం చూపిస్తున్నారు. అయితే అతను మాత్రం మళ్ళీ అసిస్టెంట్ గా మారబోతున్నాడట. వినడానికే కామెడీగా ఉంది కదా..! అలా అని ఇతను అసిస్టెంట్ గా సెటిల్ అయిపోవడానికి కాదు. తన గురువు త్రివిక్రమ్.. త్వరలో మహేష్ బాబుతో ఓ సినిమా మొదలుపెట్టనున్నాడు.

దీనికి స్క్రిప్ట్ లో, డైలాగ్స్ లో తన వంతు సాయం చేస్తాడట. గతంలో వెంకీ.. త్రివిక్రమ్ తెరకెక్కించిన ‘అఆ’ సినిమాకి కో – రైటర్ గా పనిచేసిన సంగతి తెలిసిందే. ఇప్పుడు ఎలాగూ కరోనా సెకండ్ వేవ్ కారణంగా సినిమాలు ఖాళీగా ఉండడంతో.. తన గురువు సినిమా కోసం మరోసారి రైటర్ అవతారం ఎత్తనున్నాడన్న మాట.పనిలో పనిగా మంచి స్క్రిప్ట్ కూడా రెడీ చేసుకుని అది మహేష్ కు వినిపించి ఓకే చేయించుకునే ఆలోచన కూడా ఇతనికి ఉన్నట్టు ఇన్సైడ్ టాక్. ఇక ‘హారిక అండ్ హాసిని క్రియేషన్స్’ వారు ఈ చిత్రాన్ని నిర్మించబోతున్నారని సమాచారం.

Most Recommended Video

ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!