Pushpa: పుష్పరాజ్ పగకు అసలు కారణమిదేనా..?

క్రియేటివ్ డైరెక్టర్ సుకుమార్, స్టైలిష్ స్టార్ అల్లు అర్జున్ కాంబినేషన్ లో తెరకెక్కుతున్న పుష్ప సినిమాపై ప్రేక్షకుల్లో భారీ అంచనాలు నెలకొన్నాయి. ఎప్పుడు విడుదలైనా ఈ సినిమా కొత్త రికార్డులు క్రియేట్ చేస్తుందని ఫ్యాన్స్ భావిస్తున్నారు. రష్మిక మందన్నా ఈ సినిమాలో హీరోయిన్ రోల్ లో నటిస్తుండగా బన్నీ చెల్లెలి పాత్రలో ఐశ్వర్యారాజేష్ నటిస్తున్నారని తెలుస్తోంది. పుష్ప సినిమాలో బన్నీ చెల్లి పాత్ర చనిపోతుందని సమాచారం. ఫారెస్ట్ ఆఫీసర్ వల్ల చెల్లి చనిపోవడంతో ఆ ఆఫీసర్ పై పగ తీర్చుకోవడం కోసమే పుష్ప రాజ్ స్మగ్లింగ్ గ్యాంగ్ లో చేరతాడని పుష్ప సినిమా కథకు సంబంధించి వార్తలు వైరల్ అవుతున్నాయి.

ఫారెస్ట్ ఆఫీసర్ పై పగ తీర్చుకోవడానికి గిరిజన యువతి పాత్ర పోషిస్తున్న రష్మిక పాత్ర పుష్పరాజ్ కు హెల్ప్ చేస్తుందని తెలుస్తోంది. ఎర్రచందనం అక్రమ రవాణా నేపథ్యంలో ఈ సినిమా తెరకెక్కుతుండటం గమనార్హం. ఐశ్వర్య రాజేష్ పుష్ప సినిమాలో నటిస్తున్నట్టు అధికారక ప్రకటన వెలువడాల్సి ఉంది. బన్నీకి చెల్లి పాత్రలో ఐశ్వర్య నటిస్తే మాత్రం ఆమెకు తెలుగులో మూవీ ఆఫర్లు మరింత పెరిగే అవకాశాలు అయితే ఉంటాయి.

మైత్రీ మూవీ మేకర్స్ బ్యానర్ పై తెరకెక్కుతున్న ఈ సినిమాకు ప్రముఖ సంగీత దర్శకుడు దేవి శ్రీ ప్రసాద్ సంగీతం అందిస్తున్నారు. ఈ సినిమాలో విలన్ పాత్రలో ఫహాద్ ఫజిల్ నటిస్తుండగా ఊర్వశీ రౌతేలా ఐటెమ్ సాంగ్ చేస్తున్నారని తెలుస్తోంది. ఈ సినిమా కోసం బన్నీ తన లుక్ ను పూర్తిగా మార్చుకుని ఊరమాస్ లుక్ లో కనిపిస్తున్నారు.

Most Recommended Video

ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!