‘కస్టడీ’ తో పాటు తెలుగులో వచ్చిన 10 క్రేజీ బై లింగ్యువల్ సినిమాల లిస్ట్.!

రీమేక్ సినిమాల ట్రెండ్ ఇప్పటికీ నడుస్తుంది. ఓ భాషలో సూపర్ హిట్ అయిన సినిమాని మరో భాషలోకి రీమేక్ చేయడం సక్సెస్ ఫార్ములాగా ఫీలవుతుంటారు మేకర్స్. అయితే ‘బాహుబలి'(సిరీస్) తో పాన్ ఇండియా సినిమాల హవా మొదలైంది.ఒకేసారి 4 భాషల్లో సినిమా తీసి సక్సెస్ కొట్టొచ్చు అని రాజమౌళి ప్రూవ్ చేశాడు. ఆ ఫార్ములాని చాలా మంది మేకర్స్ ఫాలో అవుతున్నారు. అయితే ఈ రెండిటికీ ముందు ద్విభాషా చిత్రాల సందడి కూడా కొంతకాలం నడిచింది. ఇప్పటికీ అలా ద్విభాషా చిత్రాలు రూపొందుతూనే ఉన్నాయి.

మార్కెట్ ను పెంచుకోవడం కోసం హీరోలు, దర్శకులు, నిర్మాతలు ఈ పద్దతిని అనుసరిస్తుంటారు. లేటెస్ట్ గా వచ్చిన ‘కస్టడీ’ మూవీ తెలుగు తమిళ భాషల్లో బై లింగ్యువల్ మూవీగా రూపొందింది. ఈ మూవీతో పాటు టాలీవుడ్ చాలా బై లింగ్యువల్ మూవీస్ రూపొందాయి. అందులో కొన్ని క్రేజీ మూవీస్ లిస్ట్ ను అలాగే వాటి ఫలితాలను ఇప్పుడు తెలుసుకుందాం రండి :

1) నీ మనసు నాకు తెలుసు/ ఎనక్కు 20 ఉనక్కు 18 :

తెలుగు- తమిళ భాషల్లో రూపొందిన ద్విభాషా చిత్రమిది. తరుణ్, త్రిష జంటగా నటించిన ఈ మూవీని స్టార్ ప్రొడ్యూసర్ ఏ.ఎం.రత్నం తనయుడు జ్యోతి కృష్ణ డైరెక్ట్ చేశాడు. ఈ సినిమా రెండు చోట్లా ప్లాప్ అయ్యింది.

2) జంజీర్ / తుఫాన్ :

రాంచరణ్ హీరోగా అపూర్వ లాఖియా దర్శకత్వంలో రూపొందిన ఈ మూవీ అమితాబ్ బచ్చన్ ఆల్ టైం హిట్ మూవీ ‘జంజీర్’ కు రీమేక్ గా రూపొంది పెద్ద డిజాస్టర్ అయ్యింది.

3) రన్/రన్ :

మాధవన్ – మీరాజాస్మిన్ హీరో హీరోయిన్లుగా నటించిన ఈ చిత్రానికి లింగు స్వామి దర్శకుడు. ఈ సినిమా తెలుగు- తమిళ్.. రెండు చోట్లా కూడా మంచి సక్సెస్ అయ్యింది.

4) సెల్యూట్/ సత్యం :

విశాల్ హీరోగా ఏ.ఆర్.రాజశేఖర్ దర్శకత్వంలో రూపొందిన ఈ మూవీ తెలుగు- తమిళ్ రెండు చోట్లా ఫెయిల్ అయ్యింది. ఉపేంద్ర ఈ చిత్రంలో స్పెషల్ రోల్ చేసినా లాభం లేకుండా పోయింది.

5) ఊపిరి/ తోజా :

నాగార్జున- కార్తీ కాంబినేషన్లో వచ్చిన ఈ మల్టీస్టారర్ మూవీ తెలుగు- తమిళ భాషల్లో డీసెంట్ హిట్ ను అందుకుంది.

6) స్పైడర్/ స్పైడర్ :

మహేష్ బాబు హీరోగా నటించిన ఈ మూవీకి మురుగదాస్ దర్శకుడు. తెలుగు- తమిళ భాషల్లో బై లింగ్యువల్ మూవీగా రూపొందిన ఈ చిత్రం డిజాస్టర్ అయ్యింది.

7) ది వారియర్/ది వారియర్ :

రామ్ హీరోగా లింగుస్వామి దర్శకత్వంలో రూపొందిన ఈ మూవీ తెలుగు- తమిళ భాషల్లో బై లింగ్యువల్ మూవీగా రూపొందింది. ఈ మూవీ రెండు చోట్లా కూడా ప్లాప్ అయ్యింది.

8) ఒకే ఒక జీవితం/ కణం :

శర్వానంద్ హీరోగా శ్రీ కార్తీక్ దర్శకత్వంలో రూపొందిన ఈ మూవీ తెలుగు- తమిళ భాషల్లో ద్విభాషా చిత్రంగా రూపొందింది. రెండు చోట్లా కూడా ఈ మూవీ సక్సెస్ అయ్యింది.

9) సార్ / వాతి :

ధనుష్ హీరోగా వెంకీ కుడుముల దర్శకత్వంలో రూపొందిన ఈ మూవీ తెలుగు-తమిళ భాషల్లో బై లింగ్యువల్ మూవీగా రూపొందింది. రెండు చోట్లా కూడా ఈ మూవీ సక్సెస్ అందుకుంది.

10) కస్టడీ :

నాగ చైతన్య హీరోగా వెంకట్ ప్రభు దర్శకత్వంలో రూపొందిన ఈ మూవీ కూడా ద్విభాషా చిత్రంగానే రూపొందింది. మే 12న రిలీజ్ అయిన ఈ మూవీ డీసెంట్ టాక్ ను రాబట్టుకుంది.