Aamir Khan – Faissal: స్టార్‌ హీరోతో వివాదానికి చెక్‌ పెట్టిన బ్రదర్‌.. ఇంకా అంతా ఓకేనా?

సినిమా హీరోల వ్యక్తిగత విషయాలను తెలుసుకోవడానికి అభిమానులు, ప్రేక్షకులు ఎక్కువగా ఇష్టపడుతుంటారు. దాంతో వారి ఇంట్లో ఏం జరిగినా బయట వారికి ఆసక్తికరంగానే అనిపిస్తాయి. అలా గతేడాది ఎక్కువగా చర్చలోకి వచ్చిన అంశాల్లో ఆమిర్‌ ఖాన్‌ కుటుంబ సమస్య ఒకటి. ఇక్కడ కుటుంబ సమస్య అంటే ఆమిర్‌ ఖాన్‌ వివాహ బంధం గురించి కాదు. (అఫ్‌కోర్స్‌ అది కూడా అనుకోండి) ఆయన సోదరుడితో జరిగిన విషయం, దానిపై జరిగిన చర్చ. ఆమిర్‌ ఖాన్‌, తన తమ్ముడు ఫైసల్‌ ఖాన్‌ మధ్యలో కొన్ని మనస్పర్థలు వచ్చాయి.

Aamir Khan – Faissal

ఈ వ్యవహారంలో ఫైసల్‌ ఖాన్‌ మీడియా ముందుకు వచ్చి కొన్ని విషయాలు చెప్పుకొచ్చారు. దాంతో ఆ మనస్పర్థలు ఇంకాస్త పెరిగాయి. అయితే ఇప్పుడు ఆయన మొత్తం ఇబ్బందులు, దూరాల్ని తగ్గించుకునే ప్రయత్నంలో ఉన్నారని తెలుస్తోంది. దీనికి కారణం ఆయన రీసెంట్‌గా చేసిన వ్యాఖ్యలు, పనులే. ఆమిర్‌ ఖాన్‌ మరికొద్ది రోజుల్లో తన స్నేహితురాలు గౌరీ స్ప్రాట్‌ను వివాహం చేసుకోనున్న విషయం తెలిసిందే. ఈ నేపథ్యంలో తమ కుటుంబ వివాదానికి ఫైసల్‌ ఖాన్‌ ఫుల్‌స్టాప్‌ పెట్టే ప్రయత్నం చేశారు.

గతంలో కుటుంబ సభ్యులపై తాను చేసిన వ్యాఖ్యలకు పశ్చాత్తాపపడుతున్నట్లు చెప్పారు. కుటుంబ బంధాలను తిరిగి నిలబెట్టుకోవడమే తనకు ముఖ్యమని అన్నారు. ఈ మేరకు ఓ ఇంటర్వ్యూలో మాట్లాడుతూ నేను అందరి కంటే ముందుగా మా అమ్మకు క్షమాపణలు చెప్పాలకుంటున్నాను. నా కుటుంబ సభ్యులకు, ఆమిర్‌కు సారీ చెబుతున్నా. కోపంతో వారిని ఎన్నో మాటలు అన్నాను. ఈ వివాదంలో ఎవరిది న్యాయం, ఎవరి వైపు తప్పు ఉందని నిరూపించుకోవాల్సిన సమయం ఇది కాదు అని చెప్పారు.

ఆధ్యాత్మిక ఆలోచనల వల్ల తనలో మార్పు వచ్చిందని.. కుటుంబ బంధాల విలువ తెలిసిందని ఫైసల్‌ ఖాన్‌ చెప్పారు. గతేడాది ఫైసల్‌ ఖాన్ మాట్లాడుతూ ఏడాది పాటు తనను ఆమిర్‌ గదిలో బంధించాడని.. మానసిక వ్యాధి వచ్చిందని అందరినీ నమ్మించే ప్రయత్నం చేశాడని ఆరోపణలు చేసి విషయం తెలిసిందే.

తమిళంలో ఓ ప్రాజెక్ట్‌ ఓకే చేసిన జాన్వీ కపూర్‌.. బాలీవుడ్‌ స్టైల్‌లోనే..