స్టార్ హీరోయిన్ ఇలియానా (Ileana) మరోసారి తల్లయ్యింది. తన ఇన్స్టాగ్రామ్ ద్వారా స్వయంగా ఇలియానా ఈ విషయాన్ని చెప్పడం గమనార్హం. జూన్ 19 నే ఆమె ఓ మగబిడ్డకు జన్మనిచ్చిందట.సో కొంచెం ఆలస్యంగా ఈ విషయాన్ని రివీల్ చేసినట్టు అర్థం చేసుకోవచ్చు. ఇక తన కుమారుడికి ‘కీయాన్ రేఫ్ డోలన్’ అని నామకరణం చేసినట్టు కూడా ఇలియానా (Ileana) తెలిపింది.
అలాగే తన బిడ్డ ఫోటోని కూడా షేర్ చేసింది. ఇందులో బాబు చూడటానికి చాలా క్యూట్ గా ఉన్నాడు. ఇలియానా పోస్ట్ కి నెటిజన్లు కంగ్రాట్స్ అంటూ తమ బెస్ట్ విషెస్ చెబుతున్నారు. ఇలియానా దంపతులకి ఆల్రెడీ కోవా ఫీనిక్స్ డోలన్ అనే కుమారుడు ఉన్నాడు. ఇప్పుడు కీయాన్ రెండో కుమారుడు.
ఇలియానా (Ileana) పర్సనల్ లైఫ్ అందరికీ సుపరిచితమే. 2023 లో మైకేల్ డోలన్ ని వివాహం చేసుకుంది. అంతకు ముందు హాలీవుడ్ సినిమాటోగ్రాఫర్ ఆండ్రూతో ప్రేమాయణం నడిపింది. తర్వాత ఇతనితో బ్రేకప్ అవ్వడంతో మైకేల్ ని పెళ్లి చేసుకుంది. తెలుగు ప్రేక్షకులకి ఇలియానా (Ileana) 2006 లో వచ్చిన రామ్ ‘దేవదాసు’ (Devadasu) తో హీరోయిన్ గా ఎంట్రీ ఇచ్చింది.
అది సూపర్ హిట్ అవ్వడంతో వెంటనే మహేష్ బాబు (Mahesh Babu) ‘పోకిరి’ (Pokiri) సినిమాలో ఛాన్స్ దక్కించుకుంది. ఆ సినిమా కూడా ఇండస్ట్రీ హిట్ అవ్వడంతో ఇలియానా స్టార్ అయిపోయింది. అటు తర్వాత ఎన్టీఆర్ (Jr. NTR), పవన్ కళ్యాణ్ (pawan Kalyan), అల్లు అర్జున్ (Allu Arjun), రవితేజ వంటి స్టార్ హీరోలందరి సరసన నటించే అవకాశం దక్కించుకుంది. తర్వాత బాలీవుడ్ పై ఉన్న మోజుతో అక్కడికి వెళ్లి అడపా దడపా సినిమాలు చేసింది కానీ.. అవి సక్సెస్ అవ్వలేదు.
View this post on Instagram
