సెకండ్ ఇన్నింగ్స్ అని అంటే త్రిష ఒప్పుకుంటుందో లేదో కానీ.. ఇప్పుడు ఆమె సెకండ్ ఇన్నింగ్స్లోనే ఉంది. వరుస సినిమాలు చేస్తూ వచ్చి… ఒక్కసారిగా స్లో అయిపోయింది. ఇటు తెలుగులో, అటు తమిళంలో కొత్త నాయికల హడావుడి పెరగడం, ఈలోపు రిలేషన్ – పెళ్లి తదితర కారణాల వల్ల స్లో అయ్యింది. అయితే ఇప్పుడు తిరిగి జోరు పెంచింది. సీనియర్ స్టార్ హీరోల సినిమాలకు ఇప్పుడు ఆమె ఓ బెస్ట్ ఆప్షన్గా నిలిచింది. ఈ క్రమంలో కమల్ హాసన్ కొత్త సినిమాలో కూడా నటించబోతోంది.
కమల్ హాసన్, త్రిష (Trisha) కాంబినేషన్లో ఓ సినిమాలో నటిస్తారు అంటూ గత కొన్ని రోజులుగా వార్తలొస్తున్నాయి. అయితే ఇప్పుడు పక్కాగా నిర్ణయాలు అయిపోయాయట. ‘ఇండియన్ 2’ సినిమాతో త్వరలో ప్రేక్షకులను పలకరించడానికి సిద్ధమవుతున్నాడు కమల్ హాసన్. ఈ సినిమా తర్వాత కమల్ మణిరత్నం దర్శకత్వంలో నటిస్తారని ఇప్పటికే అధికారిక సమాచారం వచ్చింది. KH 234తో రూపొందుతున్న ఈ సినిమాలో త్రిషను తీసుకోవడం దాదాపు ఖాయమట.
చాలా కాలం తరవాత కమల్ – మణిరత్నం కాంబినేషన్లో సినిమా వస్తుండటంతో ఈ సినిమా మీద భారీ అంచనాలే ఉన్నాయి. ఇప్పుడు ఆ సినిమాకు హిట్ కాంబినేషన్ అయిన త్రిష కూడా కలవడంతో ఇంకా అంచనాలు పెరిగాయి అని చెప్పొచ్చు. ఇప్పటివరకు కమల్ – త్రిష ‘తూంగా వనం’ / ‘చీకటి రాజ్యం’, ‘మన్మధన్ అంబు’ / ‘మన్మధ బాణం’ సినిమాల్లో నటించారు. ఆ రెండు సినిమాలు బాక్సాఫీసు దగ్గర మంచి విజయమే అందుకున్నాయి.
దీంతో ఇప్పుడు ఈ సినిమా కూడా అదే స్థాయిలో ఆడుతుందని అభిమానులు అంచనా వేస్తున్నారు. ఇక ఈ సినిమాలో యువ కథానాయకులు దుల్కర్ సల్మాన్, జయం రవి కూడా నటిస్తారు అనే టాక్ నడుస్తోంది. థ్రిల్లర్ కాన్సెప్ట్లో ఈ సినిమా తెరకెక్కనుందని సమాచారం. త్వరలో భారీ స్థాయిలో ఈ సినిమా ప్రారంభోత్సవం ఉంటుంది అని చెబుతున్నారు. ఆ రోజు మరికొన్ని సర్ప్రైజ్లు కూడా ఉంటాయి అని చెబుతున్నారు.
బాలీవుడ్ లో అత్యధిక రెమ్యూనరేషన్ తీసుకునేది ఆ హీరోనేనా..!
‘బిగ్ బాస్ 7’ కంటెస్టెంట్ ప్రియాంక జైన్ గురించి 10 ఆసక్తికర విషయాలు..!
‘బిగ్ బాస్ 7’ కంటెస్టెంట్ దామిని భట్ల గురించి 10 ఆసక్తికర విషయాలు!
