తెల్ల జుట్టు.. పొడవాటి తెల్ల గడ్డంతో ఓ వ్యక్తి… చేతిలో మెషీన్ గన్.. ఇదీ ఓ పోస్టర్ కనిపిస్తోంది. అయితేనేం ఇప్పుడు ఆ పోస్టర్, దానికి సంబంధించిన విషయాలు సోషల్ మీడియాలో వైరల్గా మారిపోయింది. పోస్టర్ వచ్చి 12 గంటలు అయిపోయినా.. ఇంకా ఆ పోస్టర్ గురించే మాట్లాడుకుంటున్నారు. అదే ‘తునివు’ పోస్టర్. అజిత్ కుమార్ హీరోగా రూపొందుతున్న సినిమా లుక్ అది. ఈ సినిమా పేరును రివీల్ చేస్తూ ఆ పోస్టర్ వదిలారు. ఇప్పుడు ఆ సినిమా కథ ఇదేనంటూ ఓ వార్త వైరల్గా మారింది.
సోషల్ మీడియాలో వస్తున్న పుకార్ల ప్రకారం అయితే ఈ సినిమా 1987లో పంజాబ్లో జరిగిన ఓ బ్యాంకు రోబరీ నేపథ్యంలో సాగుతుంది. ఓ పదిహేను మంది సిక్కులు పోలీసుల్లా మారి చేసిన చోరీ ఇదట. పోలీసుల తరహాలో మెషీన్ గన్లు, రైఫిల్స్తో ఓ బ్యాంకులో దూరి సుమారు 45 లక్షల డాలర్లు చోరీ చేస్తారు. ఇది ఇప్పటివరకు దేశంలోనే అతి పెద్ద బ్యాంకు రాబరీగా చెబుతుంటారు. ఈ చోరీలో ఎవరికీ ఎలాంటి గాయాలు కాలేదని, చాలా ప్లానింగ్తో ఆ చోరీ చేశారట. ఈ మొత్తం వ్యవహారం ఆధారంగా ఈ సినిమా ఉంటుంది అంటున్నారు.
ఈ చోరీకి ముందు ఏం జరిగింది, చోరీ తర్వాత ఏం జరిగింది లాంటి వివరాలు ఈ సినిమాలో చూడొచ్చు అంటున్నారు. అయితే ఆ ఘటననే చూపిస్తారా? లేక దానిని స్ఫూర్తిగా తీసుకొని ఓ కథ అల్లుకొని సినిమా చేస్తున్నారా? అనేది తెలియాల్సి ఉంది. ‘తునివు’ సినిమాను హెచ్. వినోద్ తెరకెక్కిస్తున్నారు. ‘నేర్కొండ పార్వై’, ‘వాలిమై’ తర్వాత అజిత్ – వినోద్ చేస్తున్న సినిమా ఇది. జీ స్టుడియోస్ , బోనీ కపూర్ కలసి నిర్మిస్తున్నారు.
మంజు వారియర్ ఈ సినిమాలో మరో కీలక పాత్రధారి. అయితే సినిమా పోస్టర్ను విడుదల చేసిన చిత్రబృందం.. విడుదల తేదీ విషయంలో ఎలాంటి స్పష్టత ఇవ్వలేదు. పోస్టర్తో ప్రచారం ప్రారంభించిన చిత్రబృందం త్వరలోనే మరిన్ని వివరాలు వెల్లడించే అవకాశం ఉంది.
Most Recommended Video
శాకిని డాకిని సినిమా రివ్యూ & రేటింగ్!
నేను మీకు బాగా కావాల్సినవాడిని సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ గీతు రాయల్ గురించి ఆసక్తికర విషయాలు..!
