మెగాస్టార్ చిరంజీవి డ్రీమ్ ప్రాజెక్ట్ ‘సైరా నరసింహారెడ్డి’ తో నెరవేరింది. అయితే మెగాస్టార్ కు తీరని మరో కోరిక ఉందట. అది మెగాస్టార్ కోరిక మాత్రమే కాదు.. మెగా ఫ్యాన్స్ అందరి కోరిక అనే చెప్పాలి. శంకర్ … అర్జున్ తో తీసిన ‘జెంటిల్ మెన్’ చిత్రం విడుదలైన దగ్గర నుండీ మెగాస్టార్ చిరంజీవికి శంకర్ తో సినిమా చెయ్యాలి అని ఆశ అని తెలుస్తుంది. నిజానికి మెగాస్టార్ ‘జెంటిల్ మెన్’ చిత్రాన్ని హిందీలో రీమేక్ చేసారు. నిజానికి ఈ చిత్రాన్ని శంకరే డైరెక్ట్ చెయ్యాల్సి ఉంది.
కానీ కొన్ని కారణాల వల్ల…బాలీవుడ్ లో క్రేజ్ ఉన్న… మహేష్ బట్ తో హిందీ వెర్షన్ ను డైరెక్ట్ చేయించారు. కానీ ఈ చిత్రం అక్కడ ఆశించిన స్థాయిలో విజయం సాధించలేదు. ఇది పక్కన పెడితే … రజినీ – శంకర్ కాంబో లో వచ్చిన ‘రోబో’ ఆడియో రిలీజ్ లో కూడా చిరు … మీతో సినిమా చెయ్యాలని ఉంది అంటూ దర్శకుడు శంకర్ తో చెప్పారు. అయితే శంకర్ నుండీ తరువాత ఎటువంటి రెస్పాన్స్ రాలేదు. అయితే అనేక సార్లు ఈ కాంబో సెట్ అయ్యింది అంటూ వార్తలు వచ్చాయి కానీ వర్కౌట్ కాలేదు.
అయితే ఇప్పుడు మాత్రం నిజంగానే ఈ కాంబో సెట్ అయ్యే అవకాశాలు ఉన్నాయి అంటూ చెన్నై మీడియా వర్గాల నుండీ సమాచారం అందింది. ప్రస్తుతం కమల్ తో ‘ఇండియన్2’ చిత్రాన్ని తెరకెక్కిస్తున్న శంకర్.. ఇది పూర్తయ్యాక ఓ పాన్ ఇండియా చిత్రాన్ని ప్లాన్ చేస్తున్నారు అని తెలుస్తుంది. అందులో చిరు అలాగే మరో స్టార్ హీరో ఉంటారని తెలుస్తుంది. అల్లు అరవింద్ కూడా ఓ నిర్మాతగా వ్యవహరించే అవకాశం ఉందని తెలుస్తుంది.
Most Recommended Video
అతి తక్కువ వయసులో లోకం విడిచిన తారలు
అత్యధిక ప్రీ రిలీజ్ బిజినెస్ చేసిన తెలుగు సినిమాలు…!
‘మహానటి’ లోని మనం చూడని సావిత్రి, కీర్తి సురేష్ ల ఫోటోలు…!
