బిగ్‌బీ ఆలోచన ఫలిస్తుందా.. అయితే సూపరే

అమితాబ్‌ ఏ సినిమా చేసిన ట్రెండ్‌ సెట్టరే… ఆయన ఏ స్టయిల్‌ ఫాలో అయినా అది అందరూ కంటిన్యూ చేయాల్సిందే. అది సినిమాల నుంచి బయటకు కూడా వచ్చేసింది. ఆయన సోషల్‌ మీడియాలో పెడుతున్న పోస్టులే దానికి నిదర్శనం. బిగ్‌బీ మామూలుగానే సరదాగా మాట్లాడుతుంటారు. దానికి తగ్గట్టే ఆయన ట్వీట్లు కూడా ఉంటాయి. ఒక్కోసారి కరకుగా కొట్టేలా అనిపించినా, ఇంకోసారి ఆలోచింపజేసేలా ఉంటాయి. తాజాగా ఆయన చేసిన నవ్వులు తెప్పిస్తూనే, ఆలోచింప చేసింది. అయితే ఆయన ట్వీట్‌ చేసింది సినిమాల గురించి కాదు. క్రికెట్‌ గురించి కాదు. క్రికెటర్ల పిల్లల గురించి.

అమితాబ్‌ బచ్చన్‌కు సినిమా తర్వాత బాగా ఇష్టమైన అంశం అంటే.. క్రికెట్టే. అందుకే క్రికెట్‌ మ్యాచ్‌లు చూస్తూనే ఉంటారు. వాటి గురించి తన అభిప్రాయాలను సోషల్‌ మీడియా వేదికగా వెల్లడిస్తూనే ఉంటాడు. అందులో ఫన్నీవి కూడా ఉంటూ ఉంటాయి. అలా ఇటీవల చేసిన ఓ ట్వీట్‌ నవ్వులు పూయిస్తోంది. భారత క్రికెటర్లలో చాలామంది ఆడపిల్లలే తొలి సంతానం అనేది అమితాబ్‌ ట్వీట్‌ సారాంశం. విరాట్‌ కోహ్లీ – అనుష్క శర్మకు ఆడబిడ్డ జన్మించిన సందర్భంగా ఆయన ఆ ట్వీట్‌ చేశాడు.

“భారత క్రికెటర్లలో దాదాపుగా అందరికీ కుమార్తెలే ఉన్నారు. దీంతో వారే సొంతంగా ఓ మహిళా క్రికెట్ జట్టును తయారు చేసుకోవచ్చు” అంటూ సరదాగా కామెంట్‌ చేశారు బిగ్‌బీ. తనతోపాటు తన అభిమానులు కూడా అదే మాట అనుకుంటున్నారని పేర్కొన్నాడు బిగ్‌బీ. అయితే ఆ లిస్ట్‌లో ధోనీ పేరు లేకపోవడాన్ని కూడా బిగ్‌బీ గుర్తించాడు. దానికి తనదైన శైలిలో చతురత ఉపయోగించి ‘ధోనీకి కూడా కుమార్తె ఉంది. ఆమె కెప్టెన్‌ అవుతుంది’’ అని రాసుకొచ్చాడు. బాగుంది కదా అమితాబ్‌ ట్వీటాలోచన.

T 3782 – An input from Ef laksh ~

“… and Dhoni also has daughter .. will she be Captain ? 🙏” pic.twitter.com/KubpvdOzjt

— Amitabh Bachchan (@SrBachchan) January 13, 2021

Most Recommended Video

మాస్టర్ సినిమా రివ్యూ& రేటింగ్!
రెడ్ సినిమా రివ్యూ & రేటింగ్!
క్రాక్ సినిమా రివ్యూ & రేటింగ్!