Anil Ravipudi: ప్రతి పంచ్ కి నవ్వాను : అనిల్ రావుపూడి

వీజే సన్నీ బిగ్ బాస్ 5 విన్నర్ గా తెలుగు ప్రేక్షకులకు దగ్గరయ్యాడు. బిగ్ బాస్ షోతో వీజే సన్నీ కెరీర్ మారిపోయింది. సన్నీకి మంచి ఫాలోయింగ్ పెరిగింది. అలా బిగ్ బాస్ షోతో వచ్చిన క్రేజ్ మూలాన వరుసగా సినిమా ఆఫర్లు రావడం స్టార్ట్ అయ్యాయి. ఇప్పటికే తెరపై నవ్వులు పూయించేందుకు సన్నీ అన్‌స్టాపబుల్ సినిమా ద్వారా ప్రయత్నించాడు. మరోసారి సన్నీ అందరినీ నవ్వించేందుకు సిద్దమయ్యాడు. ఇటీవల వీజే సన్నీ ఫుల్ మూన్ మీడియా ప్రొడ‌క్ష‌న్స్ ప‌తాకంపై ప్రొడ‌క్ష‌న్ నెం-1గా రూపొందిన చిత్రం `సౌండ్ పార్టీ`.

ఇందులో హ్రితిక శ్రీనివాస్ హీరోయిన్‌గా నటించారు. ఈ చిత్రానికి రవి పోలిశెట్టి, మహేంద్ర గజేంద్ర, శ్రీ శ్యామ్ గజేంద్రలు నిర్మాత‌లు. జయ శంకర్ సమర్పించారు. ఈ మూవీకి సంజ‌య్ శేరి ద‌ర్శ‌కుడు. ఈ చిత్రం వ‌రల్డ్ వైడ్ గా ఈనెల 24న గ్రాండ్ గా థియేట‌ర్ల‌లో విడుద‌ల‌కు సిద్ధ‌మైంది. ఇప్పటికే పాటలు, టీజర్‌తో సౌండ్ పార్టీ మీద అందరిలోనూ ఆసక్తి పెరిగింది. సౌండ్ పార్టీ’ ప్రీ రిలీజ్ ఈవెంట్ కు దర్శకుడు అనిల్ రావిపూడి (Anil Ravipudi) ముఖ్య అతిథిగా విచ్చేశారు.

ఆయన మాట్లాడుతూ ”ఇటీవల నేను ఇంత నవ్వుకున్న ట్రైలర్ ఇదే. సన్నీ, శివన్నారాయణ మధ్య సీన్లు బాగా ఫన్నీగా ఉంటాయని అర్థం అవుతోంది. చిన్నారుల నుంచి పెద్దల వరకూ ప్రతి ఒక్కరూ ఎంజాయ్ చేసేలా ‘సౌండ్ పార్టీ’ ఉంటుంది” అని చెప్పారు. సినిమాకు సంబంధించి బిట్ కాయిన్ అనిల్ రావుపూడి చేతుల మీదుగా ఆవిష్కరించారు.

దర్శకులు వియన్ ఆదిత్య, హీరో చైతన్య రావు, నిర్మాతల మండలి అధ్యక్షుడు కెఎల్ దామోదర్ ప్రసాద్ ఈ సినిమా విజయం సాధించాలని ఆకాంక్షించారు. నాని, కొరియోగ్రాఫర్ శేఖర్ మాస్టర్, ‘హైపర్’ ఆది వీడియో బైట్స్ ద్వారా అభినందనలు తెలియజేశారు. ఈ సినిమాతో సన్నీ సక్సెస్ సాధించాలని కోరుకుందాం.

మంగళవారం సినిమా రివ్యూ & రేటింగ్!

స్పార్క్ సినిమా రివ్యూ & రేటింగ్!
సప్త సాగరాలు దాటి సైడ్ బి సినిమా రివ్యూ & రేటింగ్!