టాలీవుడ్‌లో అనౌన్స్‌ కాకుండానే హైప్‌ క్రియేట్‌ అయిన కాంబినేషన్లు కొన్ని ఉంటాయి. అలాంటివాటిలో నందమూరి బాలకృష్ణ – అనీల్‌ రావిపూడి ఒకటి. ‘రామారావు గారూ’ అనే సినిమా ఇద్దరి కాంబినేషన్‌లో వస్తుంది అంటూ చాలా రోజుల క్రితం వార్తలొచ్చాయి. దానిపై రెండు వర్గాల నుండి అవును అనే సమాధానమే వచ్చింది. అయితే ఎక్కడా పక్కాగా క్లారిటీ రాలేదు. ఆ తర్వాత ఆ సినిమా ఆగిపోయిందని అన్నారు. తాజాగా మొత్తం విషయంపై అనీల్‌ రావిపూడి క్లారిటీ ఇచ్చే ప్రయత్నం చేశారు.
ఈ రోజు పుట్టిన రోజు జరుపుకుంటున్న అనీల్‌ రావిపూడి మీడియాతో మాట్లాడుతూ కీలక విషయాలు చెప్పుకొచ్చారు. ఈ క్రమంలో బాలకృష్ణతో సినిమా గురించి కూడా మాట్లాడారు. ముందు అనుకున్న సినిమా అక్కడితోనే ఆగిపోయిందని, ఇప్పుడు చేస్తామనుకుంటున్న కథ కొత్తదని అన్నారాయన. బాలయ్యతో చేయబోయే సినిమాకీ, ఇదివరకు అనుకున్న ‘రామారావు గారూ’ కథకీ ఎలాంటి సంబంధం లేదు. అని చెప్పారు. దీంతో పాత కథనే మార్చి తీస్తున్నారనే పుకారుకు ఫుల్ స్టాప్‌ పడింది.
దీంతోపాటు అనీల్‌ మారో షాక్ ఇచ్చారు. ‘‘నేను వినోదాత్మక చిత్రాలు చేస్తాను కాబట్టి బాలకృష్ణతోనూ అలాంటి సినిమానే చేస్తానేమో అనుకుంటున్నారేమో. ఇది పూర్తి భిన్నంగా ఉంటుంది’’ అంటూ బాంబు పేల్చారు. వినోదాల బాలయ్యను చూపిస్తారేమో ఎంజాయ్‌ చేద్దాం అనుకుంటున్నవాళ్లకు ఇది షాకే. అయితే ఈ సినిమా డిఫరెంట్‌గా, అందరినీ అలరించేలా ఉంటుంది అంటున్నారు అనీల్‌. జనవరి నుంచి ఆ స్క్రిప్ట్‌ వర్క్‌ మొదలవుతుంది. జూన్‌ లేదా జులై నుండి సినిమా షూటింగ్‌ మొదలవుతుందట.
Most Recommended Video
ప్రకటనలతోనే ఆగిపోయిన మహేష్ బాబు సినిమాలు ఇవే..!
రాజా విక్రమార్క సినిమా రివ్యూ & రేటింగ్!
3 రోజెస్ వెబ్ సిరీస్ రివ్యూ & రేటింగ్!
Home