బాలయ్యతో సీనియర్ స్టార్ శరత్ కుమార్.. అనిల్ రావిపూడి ఏమంటున్నాడంటే..?

నటసింహ నందమూరి బాలకృష్ణ – బ్లాక్ బస్టర్ డైరెక్టర్ అనిల్ రావిపూడి కలయికలో తెరకెక్కనున్న సినిమా డిసెంబర్‌ 8న పూజా కార్యక్రమాలతో ఘనంగా ప్రారంభమైంది.. బాలయ్య 108వ చిత్రమిది.. షైన్ స్క్రీన్స్ బ్యానర్ మీద హరీష్ పెద్ది, సాహు గారపాటి నిర్మిస్తున్నారు. అల్లు అరవింద్ క్లాప్, దిల్ రాజు కెమెరా స్విచ్ఛాన్, రాఘవేంద్ర రావు ఫస్ట్ షాట్ డైరెక్షన్ చేశారు.. నిర్మాతలు శిరీష్, నవీన్ ఎర్నేని (మైత్రీ మూవీస్), మరో నిర్మాత సతీష్ కిలారు కలిసి స్క్రిప్ట్ అందజేశారు..

అనిల్ రావిపూడి ఈ మూవీలో బాలయ్య బాబుని నెవర్ బిఫోర్ ఎవర్ ఆఫ్టర్.. అవతార్‌లో చూపించబోతున్నాడని టాక్.. బాలయ్య ఇమేజ్‌కి తగ్గట్టుగానే కాకుండా.. ఆయనలోని సరికొత్త కోణాన్ని ఆవిష్కరించే కొత్త కథ, కథనాలతో సినిమా ఉండబోతుందని అంటున్నారు. ‘అఖండ’ తో అరాచకం సృష్టించి.. ‘వీర సింహా రెడ్డి’ తో విజృంభించబోతున్న యంగ్ మ్యూజిక్ సెన్సేషన్ థమన్ సంగీతమందిస్తున్నాడు.. ఇక ఏజ్డ్ క్యారెక్టర్లో కనిపించబోయే బాలయ్యకి ‘పెళ్లిసందD’ ఫేమ్ శ్రీలీల కూతురిగా కనిపించనున్న సంగతి తెలిసిందే.

మరో కీలకపాత్ర కోసం ‘టాక్సీవాలా’ బ్యూటీ ప్రియాంక జవాల్కర్‌ని తీసుకున్నారని సమాచారం.. హైదరాబాద్ బాచుపల్లిలో 12 రోజుల పాటు భారీ జైలు సెట్‌లో యాక్షన్ సన్నివేశాలు చిత్రీకరిస్తున్నారు. ప్రతినాయకుడిగా బాలీవుడ్ యాక్టర్ అర్జున్ రాంపాల్ నటిస్తారని వార్తలొస్తున్నాయి. ఇదిలా ఉంటే కాస్టింగ్ విషయంలో అనిల్ అస్సలు కాంప్రమైజ్ అవడం లేదట.. కథకు తగ్గట్టు పాపులారిటీ ఉన్న నటీనటులనే తీసుకోవాలని ఫిక్స్ అయిన అనిల్..

తమిళ స్టార్ హీరో, ప్రస్తుతం క్యారెక్టర్ ఆర్టిస్టుగా బిజీగా ఉన్న శరత్ కుమార్ NBK 108లో ఓ ఇంపార్టెంట్ రోల్ చేస్తున్నారు. ఈ విషయాన్ని తెలియజేస్తూ ఆయనతో తీసుకున్న పిక్ షేర్ చేశాడు అనిల్ రావిపూడి.. బాలయ్య, గోపిచంద్ మలినేని దర్శకత్వంలో చేస్తున్న ‘వీర సింహా రెడ్డి’ షూటింగ్ చివరి దశకు చేరుకుంది.. 2023 సంక్రాంతి కానుకగా జనవరి 12న బాక్సాఫీస్ బరిలో నటసింహ గర్జించడానికి రాబోతున్నాడు..

Very Glad to be working with the incredibly versatile actor, dearest @realsarathkumar sir in #NBK108

He is fit & fab as usual pic.twitter.com/Uhtl996lbu

— Anil Ravipudi (@AnilRavipudi) December 17, 2022

గుర్తుందా శీతాకాలం సినిమా రివ్యూ& రేటింగ్!
పంచతంత్రం సినిమా రివ్యూ & రేటింగ్!

ముఖచిత్రం సినిమా రివ్యూ & రేటింగ్!
బిగ్ బాస్ కోసం నాగార్జున ధరించిన 10 బ్రాండ్స్, కాస్ట్యూమ్స్ మరియు షూస్ కాస్ట్ ఎంతంటే!