`చిన్నారి పెళ్లికూతురు` అనే హిందీ డబ్బింగ్ సీరియల్ తో తెలుగులో కూడా మంచి క్రేజ్ ను సంపాదించుకుంది అవికా గోర్. అటు తర్వాత ‘ఉయ్యాలా జంపాలా’ ‘సినిమా చూపిస్తా మావ’ ‘ఎక్కడికి పోతావ్ చిన్నవాడా’ వంటి హిట్ చిత్రాల్లో నటించి మరింతగా పాపులర్ అయ్యింది. ప్రస్తుతం పలు చిన్న సినిమాల్లోనూ, వెబ్ సిరీస్ లలోనూ నటిస్తున్న అవికా గోర్.. తాజాగా తన ప్రియుడు మిలింద్ గురించి కొన్ని ఆసక్తికర వ్యాఖ్యలు విషయాలు చెప్పుకొచ్చింది.
ప్రస్తుతం ఆ కామెంట్స్ వైరల్ అవుతున్నాయి. అవికా మాట్లాడుతూ.. ” మిళింద్‌ నా జీవితంలోకి వచ్చాక చాలా మార్పులు వచ్చాయి.అవన్నీ మంచి మార్పులే. నాకు ధైర్యం పెరిగింది. చాలా కాన్ఫిడెన్స్ పెరిగింది.నా బలం ఏంటో నాకు బాగా తెలిసింది. నేను ఏం చేయగలను.. ఏం చేయలేను అనే విషయాల పై అవగాహన వచ్చింది. నా ఆలోచన విధానానికి మించి నేను ఏదైనా సాధించగలను అని.. ఆ బలం నాలో ఉందని మిళింద్‌ నాకు తెలిసేలా చేశాడు.
ఇప్పుడు నా ప్రతి అడుగులోనూ … ప్రతి ప్రయాణంలోనూ మిలింద్ నాకు తోడుగా,అండగా ఉన్నాడు.అతను లేకుండా నేను ఏమీ చేయలేను.నేను ఈరోజు బరువు తగ్గి ఇలా ఉన్నాను అన్నా… నిర్మాతగా మారాను అన్నా అది మిళింద్‌ ప్రోత్సాహం వల్లనే” అంటూ చెప్పుకొచ్చింది అవికా.
ఆమె ప్రధాన పాత్ర పోషించిన ‘టెన్త్ క్లాస్ డైరీస్’ సినిమా జూలై 1న విడుదల కాబోతుంది. ఈ చిత్రం ప్రమోషన్ లో భాగంగానే ఆమె తన ప్రియుడు గురించి ఈ విషయాలు చెప్పుకొచ్చింది. 2020 లో అవికా తన ప్రియుడు మిలింద్ ను తన సోషల్ మీడియా ద్వారా పరిచయం చేసిన సంగతి తెలిసిందే.
Most Recommended Video
‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!
