బాహుబలి కంక్లూజన్ రిలీజ్ అయ్యే థియేటర్స్ సంఖ్య తెలిస్తే షాక్ తింటారు !!

తెలుగు సినిమా రెండు రాష్ట్రాల్లో కలిపి 300 థియేటర్లో రిలీజ్ కావడం సాధారణం. ప్రపంచవ్యాప్తంగా వెయ్యి థియేటర్లో రిలీజ్ అవుతుందంటే గొప్పగా చెప్పుకుంటాం. దర్శకధీరుడు తెరకెక్కించిన బాహుబలి కంక్లూజన్ అత్యధిక థియేటర్లలో రిలీజ్ అవుతూ ఆశ్చర్య పరుస్తోంది. ఈ మూవీ దేశవ్యాప్తంగా 6500 తెరలపై ప్రదర్శించనున్నారు. ఈ మధ్య తెలుగు సినిమాలకు లాభాలను అందిస్తున్న అమెరికా లో 1100 తెరలపై బాహుబలి 2 సందడి చేయనుంది. ఇక ఇతర దేశాలన్నింటిలో కలిపి 1400 స్క్రీన్లలో విడుదల చేస్తున్నారు.

అంటే ప్రపంచవ్యాప్తంగా ఏప్రిల్ 28 న బాహుబలి కంక్లూజన్ ని 8900 తెరలపై అభిమానులు వీక్షించనున్నారు. ఇది తెలుగు సినీ చరిత్రలోనే కాకుండా, భారతీయ చలన చిత్ర చరిత్రలో రాయదగ్గ అరుదైన రికార్డ్. థియేటర్స్ పరంగానే కాకుండా షోస్ ప్రకారం కూడా రికార్డు సృష్టించనుంది. రోజుకి 6 ఆటలు ప్రదర్శించే విధంగా అంధ్రప్రదేశ్, తెలంగాణ రాష్ట్ర ప్రభుత్వాలు అనుమతిని ఇచ్చాయి. దేశవ్యాప్తంగా ఇదే విధంగా షోస్ వేయనున్నారు. ఈ లెక్కన ఫస్ట్ డే కలక్షన్స్ పేరిట ఉన్న రికార్డులన్నింటినీ బాహుబలి బద్దలు కొట్టనుంది.

Also, do SUBSCRIBE to our YouTube channel to get latest Tollywood updates.