రెమ్యూనరేషన్ వల్ల గోల్డెన్ ఛాన్స్ మిస్ చేసుకుందా..?

‘కె.జి.ఎఫ్’ ఈ సినిమా ఎంత పెద్ద హిట్ అయ్యిందో ప్రత్యేకంగా చెప్పనక్కర్లేదు. ఓ కన్నడ చిత్రం ఇంత పెద్ద హిట్టవ్వుద్ది అని ఎవ్వరూ ఊహించి ఉండరు. ‘బాహుబలి’ తరువాత పాన్ ఇండియా రేంజ్లో హిట్ అయిన సినిమా ఇదే అని చెప్పడంలో అతిశయోక్తి లేదు. ఈ చిత్రం దర్శకుడు ప్రశాంత్ నీల్ మరియు హీరో యష్ కు కూడా హిందీ, తెలుగులో క్రేజ్ పెరిగింది. ఇక ‘కె.జి.ఎఫ్’ చిత్రానికి సీక్వెల్ కూడా రూపొందుతోన్న సంగతి తెలిసిందే. ‘కె.జి.ఎఫ్ చాప్టర్ 2’ పేరుతో ఈ సీక్వెల్ తెరకెక్కుతుంది.

ఇదిలా ఉంటే.. ఈ చిత్రంలో ఓ కీలక పాత్ర చేసే ఛాన్స్ వస్తే ఓ ‘బాహుబలి’ నటి నిరాకరించినట్టు తెలుస్తుంది. ఆమె ఎవరో కాదు మన శివగామి రమ్యకృష్ణ. ఆమె డిమాండ్ చేసిన పారితోషికం నిర్మాతలు అంగీకరించకపోవడం వల్లే.. ఈ బడా ప్రాజెక్ట్ ను రమ్యకృష్ణ రిజెక్ట్ చేసినట్టు తెలుస్తుంది. అందుకే ఈమె ప్లేస్ లో బాలీవుడ్ నటి అయిన రవీనా టాండన్ ను తీసుకున్నట్టు తెలుస్తుంది. రమ్యకృష్ణ ‘కె.జి.ఎఫ్2’ చిత్రం చేసి ఉంటే సౌత్ లో ఆమె క్రేజ్ మరింత పెరిగేదని కొందరు కామెంట్స్ చేస్తున్నారు.

Most Recommended Video

జాను సినిమా రివ్యూ & రేటింగ్!
సవారి సినిమా రివ్యూ & రేటింగ్!