మూడు ప్లాప్ ల తర్వాత నితిన్ ఈ ఏడాది… ‘ భీష్మ’ చిత్రంతో హిట్ కొట్టి మళ్ళీ ఫామ్ లోకి వచ్చాడు. వెంకీ కుడుముల డైరెక్షన్లో తెరకెక్కిన ఈ చిత్రం అన్ సీజన్ అయిన ఫిబ్రవరిలో విడుదలైనప్పటికీ మంచి వసూళ్లను సాధించి సూపర్ హిట్ గా నిలిచింది. రష్మిక మందన క్రేజ్ కూడా ఈ చిత్రం విజయంలో కీలక పాత్ర పోషించిందనే చెప్పాలి. ఇక ఇదే ఏడాది పెళ్ళి కూడా ప్లాన్ చేసుకున్న నితిన్ కు… పెద్ద షాక్ తగిలింది అనే చెప్పాలి. అంతేకాదు అతని ‘రంగ్ దే’ షూటింగ్ కూడా ఆగిపోయింది.
ఈ చిత్రం తర్వాత నితిన్ చంద్ర శేఖర్ యేలేటి డైరెక్షన్లో ‘చెక్’ అలాగే మేర్లపాక గాంధీ డైరెక్షన్లో ‘అంధాదున్’ రీమేక్ కూడా ప్లాన్ చేసాడు. అంతే కాదు.. ‘ఛల్ మోహన్ రంగ’ దర్శకుడు కృష్ణ చైతన్య తో కూడా ఓ చిత్రం చేయబోతున్నాడు. ‘పవర్ పేట’ టైటిల్ తో ఈ చిత్రం రూపొందనుంది. ఈ ప్రాజెక్ట్ ను బాహుబలి రేంజ్ లో రెండు పార్ట్ లుగా ప్లాన్ చేస్తున్నారట. మరో హీరో సత్య దేవ్ కూడా ఈ చిత్రంలో కీలక పాత్ర పోషిస్తాడట. కొన్ని యదార్ధ సంఘటనలను ఆధారం చేసుకుని.. క్రైమ్ థ్రిల్లర్ గా ఈ చిత్రం రూపొందనుందని తెలుస్తుంది.
ఈ చిత్రంలో హీరోయిన్ గా కీర్తి సురేష్ ను ఎంపికచేసే అవకాశం ఎక్కువ ఉందని తెలుస్తుంది. అయితే రెండు పార్టులు గా ‘పవర్ పేట’ చిత్రాన్ని అందులోనూ భారీ బడ్జెట్ తో రూపొందించడం రిస్క్ అనే కామెంట్స్ కూడా వినిపిస్తున్నాయి. ‘ఎన్టీఆర్ కథానాయకుడు’ ‘ ఎన్టీఆర్ మహా నాయకుడు’ చిత్రాలతో తన తండ్రి బయోపిక్ తీసిన బాలయ్య కు ఆ చిత్రం ఎలాంటి ఫలితాన్ని ఇచ్చిందో ప్రత్యేకంగా చెప్పనవసరం లేదు. బాలయ్యకే వర్కౌట్ కాలేదు.. నితిన్ కు వర్కౌట్ అవుతుందా అనేది వారి అనుమానం కావచ్చు.
Most Recommended Video
అమృతారామమ్ సినిమా రివ్యూ & రేటింగ్!
‘బాహుబలి’ ని ముందుగా ప్రభాస్ కోసం అనుకోలేదట…!
తండ్రికి తగ్గ తనయలు అనిపిస్తున్న డైరెక్టర్స్ కూతుళ్లు
Home
