ఇది యష్ ఫ్యాన్స్ కే కాదు.. మొత్తం ‘కె.జి.ఎఫ్’ ఫ్యాన్స్ కే బ్యాడ్ న్యూస్..!

‘బాహుబలి ది బిగినింగ్’ తర్వాత ‘బాహుబలి ది కన్క్లూజన్’ కోసం ఇండియా వైడ్ గా ప్రేక్షకులు ఎంత ఆసక్తితో ఎదురుచూసారో… అలాగే ఇప్పుడు ‘కె.జి.ఎఫ్ చాప్టర్ 2’ కోసం కూడా ఎదురుచూస్తున్నారని చెప్పాలి. ఓ కన్నడ సినిమా కోసం ఇంత ఆసక్తిగా ఎదురుచూస్తున్నారా అంటే.. మరి మొదటి పార్ట్ క్రియేట్ చేసిన సంచలనాలు అన్నీ.. ఇన్నీ.. కాదు కదా? పాన్ ఇండియా లెవెల్లో ఈ చిత్రం సూపర్ హిట్ అయ్యింది. హీరో యష్ కు అన్ని భాషల్లోనూ వీరాభిమానులు ఏర్పడేలా చేసింది. కన్నడ సినిమాలను కూడా తెలుగు రాష్ట్రాల్లో ధైర్యంగా కొనుగోలు చేసేలా చేసింది.

అయితే ఇండియా వైడ్ ప్రేక్షకులు ఎంతో ఆసక్తిగా ఎదురుచూస్తున్న.. ‘కె.జి.ఎఫ్ చాప్టర్2’ ని 2020 సమ్మర్ కానుకగా విడుదల చేస్తామని చిత్ర యూనిట్ సభ్యులు ముందుగానే చెప్పుకొచ్చారు. కానీ ఆ నిర్ణయం ఇప్పుడు మార్చుకోబోతున్నట్టు తెలుస్తుంది. అందుకు కారణం ఇంకా ఈ చిత్రం షూటింగ్ కంప్లీట్ కాకపోవడమే అని స్పష్టం అవుతుంది. అందులోనూ సమ్మర్లో తెలుగులో పవన్ కళ్యాణ్ వంటి స్టార్ హీరో చిత్రంతో పాటు.. హిందీ, తమిళ భాషల్లో కూడా పెద్ద సినిమాలు ఉన్నాయి. దీంతో ‘కె.జి.ఎఫ్ చాప్టర్ 2’ కి సోలో రిలీజ్ దొరికే అవకాశం లేదు. అందుకే చిత్ర బృందం ఈ నిర్ణయం తీసుకున్నట్టు తెలుస్తుంది. ఇది నిజంగా ‘కె.జి.ఎఫ్’ ఫ్యాన్స్ కు బ్యాడ్ న్యూస్ అనే చెప్పాలి.

డిస్కో రాజా సినిమా రివ్యూ & రేటింగ్!
సరిలేరు నీకెవ్వరు సినిమా రివ్యూ & రేటింగ్!
అల వైకుంఠపురములో సినిమా రివ్యూ & రేటింగ్!