ఆ స్టార్ డైరెక్టర్ టైటిల్ మాకోసం ఇచ్చేసారు : బాలకృష్ణ

నందమూరి బాలకృష్ణ నటించిన తాజా చిత్రం ‘రూలర్’. కె.ఎస్.రవికుమార్ డైరెక్షన్లో తెరకెక్కిన ఈ చిత్రం ఈరోజు (డిసెంబర్ 20న) విడుదల కాబోతుంది. ఇక ఈ చిత్రం ప్రమోషన్లలో భాగంగా హీరో బాలయ్య ఈ చిత్రం టైటిల్ గురించి కొన్ని ఆసక్తికరమైన సంగతుల్ని తెలియజేసారు. నిజానికి ‘రూలర్’ ఓ స్టార్ డైరెక్టర్ దగ్గర్నుండీ తీసుకున్నారట. ఆ స్టార్ డైరెక్టర్ మరెవరో కాదు.. బోయపాటి శ్రీను. ఈ విషయాన్నీ స్వయంగా బాలయ్యే తెలియజేసారు.

బాలయ్య మాట్లాడుతూ.. ‘రూలర్’ టైటిల్ ని దర్శకుడు బోయపాటి శ్రీను ఎప్పుడో రిజిష్టర్ చేయించిపెట్టుకున్నారు. అయితే ఈ టైటిల్ మాకు కావాలని నిర్మాత సి.కళ్యాణ్ అడిగిన వెంటనే అందుకు బోయపాటి ఏమాత్రం ఆలోచించకుండా ఇచ్చేసారు. ‘థ్యాంక్స్ టూ బోయపాటి’ .‘రూలర్’ అంటే ఒక రాజు మాత్రమే కాదు, ఒక పోలీస్ ఆఫీసర్ కూడా రూలరే…! తెలంగాణలో మొన్ననే మనం చూశాం.. అత్యాచార ఘటనలో నిందితులు పోలీసుల పై దౌర్జన్యం చేస్తే వాళ్ళ ఆత్మరక్షణ కోసం ఎన్ కౌంటర్ చేశారు. దేవుడే వాళ్ళను ఆ రూపంలో శిక్ష విధించాడు” అంటూ చెప్పుకొచ్చారు.

Click Here to Read Ruler Movie Review

రూలర్ సినిమా రివ్యూ & రేటింగ్!
ప్రతిరోజూ పండగే సినిమా రివ్యూ & రేటింగ్!