Balakrishna, Anil Ravipudi: బాలయ్య అనిల్ మూవీ ప్రకటన ఎప్పుడంటే?

స్టార్ హీరో బాలకృష్ణ అనిల్ రావిపూడి కాంబినేషన్ లో ఒక సినిమా తెరకెక్కనున్న సంగతి తెలిసిందే. బాలయ్య తన పుట్టినరోజు సందర్భంగా అనిల్ రావిపూడి డైరెక్షన్ లో ఒక సినిమాలో నటిస్తానని ప్రకటించారు. అయితే ఆ సినిమాకు సంబంధించిన అధికారిక ప్రకటన మాత్రం రాలేదు. సాహో గారపాటి ఈ సినిమాకు నిర్మాత కాగా టక్ జగదీష్ ప్రమోషన్స్ లో భాగంగా సాహో గారపాటి ఆసక్తికర విషయాలను వెల్లడించారు. దసరా పండుగకు బాలకృష్ణ, అనిల్ రావిపూడి ప్రాజెక్ట్ ను ప్రకటిస్తామని సాహో గారపాటి చెప్పారు.

అనిల్ రావిపూడి ప్రస్తుతం ఎఫ్3 సినిమాకు దర్శకత్వం వహిస్తుండగా ఆ సినిమా షూటింగ్ కూడా త్వరలో పూర్తి కానుంది. బాలయ్య ఒకే సమయంలో గోపీచంద్ మలినేని డైరెక్షన్ లో, అనిల్ రావిపూడి డైరెక్షన్ లో నటిస్తారేమో చూడాల్సి ఉంది. మరోవైపు బాలయ్య అఖండ మూవీ దసరాకే రిలీజ్ కానుందని ప్రచారం జరుగుతోంది. బాలకృష్ణ దసరా పండుగకే సినిమాలకు సంబంధించిన రెండు శుభవార్తలు చెబుతారేమో చూడాల్సి ఉంది. బాలకృష్ణ నటించిన కొన్ని సినిమాలు గతంలో దసరా కానుకగా విడుదలై సక్సెస్ సాధించాయి.

దసరాకు బాలయ్య సినిమాను రిలీజ్ చేస్తే భారీ స్థాయిలో కలెక్షన్లు వచ్చే అవకాశాలు అయితే ఉన్నాయి. అయితే అఖండను దసరాకు రిలీజ్ చేస్తున్నట్టు అధికారిక ప్రకటన రావాల్సి ఉంది. సింహా, లెజెండ్ తర్వాత బాలయ్య, బోయపాటి శ్రీను కాంబినేషన్ లో తెరకెక్కుతున్న సినిమా ఇదే కావడం గమనార్హం.

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!