కొన్ని రూమర్లు ఎక్కడి నుండి వస్తాయో తెలియదు కానీ… భలే ఆసక్తికరంగా ఉంటాయి. ఇవి నిజమైతే బాగుండు అని అనిపిస్తాయి. ఒకానొక సమయంలో అసలు ఆ పుకారు ఎందుకు నిజం కాలేదు అని కూడా అనిపిస్తుంది. అలాంటి ఓ రూమర్‌ ఇప్పుడు సోషల్‌ మీడియాలో, టాలీవుడ్లో చక్కర్లు కొడుతోంది. ఆ రూమర్‌ గురిచి మీరూ వింటే… ‘భలే భలే’ అని తప్పకంటారు. అదే రాజమౌళి – మహేష్‌బాబు సినిమాలో నందమూరి బాలకృష్ణ నటిస్తున్నారట.
ఇంట్రెస్టింగ్‌గా ఉందిగా… రాజమౌళి – మహేష్‌బాబు సినిమా అంటేనే ఆసక్తి… అలాంటిది ఆ సినిమాలో ఇప్పుడు బాలకృష్ణ కూడా అంటే ఆ ఆసక్తి డబుల్‌, ట్రిపుల్‌ అవుతుంది. అయితే ఈ పాత్ర సినిమాలో సుమారు 40 నిమిషాల పాటు ఉంటుందని తెలుస్తోంది. రాజమౌళి – మహేష్‌బాబు సినిమాలో బాలయ్య ఉన్నాడు అనే మాట… ఎంతవరకు నిజమనేది తెలియదు కానీ… ఉంటే బాగుండు అనే వార్త మాత్రం చక్కర్లు కొడుతున్నాయ్‌. ఒకవేళ జరిగితే మహేష్‌ – రాజమౌళి సినిమా మల్టీ స్టారర్‌గా మారుతుందంటూ ఆ మధ్య వచ్చిన వార్తలు నిజమవుతుంది.
మహేష్‌బాబు – రాజమౌళి సినిమా చాలా ఏళ్ల క్రితమే ప్రకటించారు. నిర్మాత కేఎల్‌ నారాయణ ఇప్పటికే దర్శక హీరోలకు అడ్వాన్స్‌లు కూడా ఇచ్చేశారని అంటారు. అయితే ఓవైపు మహేష్‌బాబు, మరోవైపు రాజమౌళి వరుస సినిమాలు చేస్తుండటతో ఈ సినిమా ఆలస్యమవుతూ వచ్చింది. అయితే ఎట్టకేలకు ‘ఆర్ఆర్ఆర్‌’ తర్వాత ఈ సినిమాను ప్రారంభిస్తారని సమాచారం. ఇప్పటికే కథా రచయిత విజయేంద్ర ప్రసాద్‌ ఈ సినిమా కథను ఫైనల్‌ చేసే పనిలో ఉన్నారట.
ఆఫ్రికా అడవుల బ్యాక్‌డ్రాప్‌లో అడ్వంచరెస్‌ జోనర్‌లో ఈ సినిమా ఉంటుందని సమాచారం. దీని కోసం రాజమౌళి టీమ్‌ ఓ నవల హక్కులను కొనుగోలు చేశారని కూడా అంటారు. అయితే దీనిపై క్లారిటీ లేదు. ఇక ఈ సినిమాలో కథానాయికగా ఆలియా భట్‌ను ఎంపిక చేయాలనుకుంటున్నారని ఆ మధ్య వార్తలొచ్చాయి. త్వరలోనే ఈ సినిమా అనౌన్స్‌మెంట్‌, ఆలియా అనౌన్స్‌మెంట్‌ ఉంటాయని భోగట్టా. పనిలో పనిగా బాలయ్య విషయం కూడా తేలితే బాగుండు.
Most Recommended Video
ఒకే ఫ్యామిలీలో రెండు జెనెరేషన్స్ కు చెందిన హీరోలతో జోడీ కట్టిన భామల లిస్ట్..!
‘గాడ్ ఫాదర్’ తో పాటు టాలీవుడ్లో రీమేక్ కాబోతున్న 10 మలయాళం సినిమాలు..!
ఈ 10 సినిమాలు తెలుగులోకి డబ్ అయ్యాక కూడా రీమేక్ అయ్యాయని మీకు తెలుసా..!
Home