ఫస్ట్ డే షో ఉచితం అంటున్న యంగ్ హీరో..!

ఈ ఏడాది ‘ఫస్ట్ ర్యాంక్ రాజు’ చిత్రంతో ప్రేక్షకుల్ని అలరించాడు యంగ్ హీరో చేతన్ మద్దినేని. ఈయన గతంలో ‘రోజులు మారాయి’ ‘గల్ఫ్’ వంటి చిత్రాల్లో కూడా నటించాడు. ఇక ఈయన నటిస్తున్న తాజా చిత్రం ‘బీచ్ రోడ్ చేతన్’. నవంబర్ 22న ఈ చిత్రం విడుదల కాబోతుంది. ఈచిత్రాన్ని హీరో చేతనే స్వయంగా నిర్మించడంతో పాటు డైరెక్షన్ కూడా చేయడం విశేషం. అయితే ఈ చిత్రానికి సెన్సార్ బోర్డు వారు ‘ఏ’ సర్టిఫికేట్ జారీ చేయడం విశేషం. ఫాంటసీ కాన్సెప్ట్ తో లవ్ అండ్ యాక్షన్ ఎంటర్టైనర్ గా ఈ చిత్రాన్ని రూపొందించాడు చేతన్.

ఇక ఈ చిత్రం ప్రమోషన్లలో భాగంగా ఆయన అమాట్లాడుతూ కొన్ని ఇంట్రెస్టింగ్ విషయాల్ని చెప్పుకొచ్చాడు… ” ‘ఒక కంప్లీట్ హీరోగా నన్ను నేను ఆవిష్కరించుకోవాలనే ఉద్దేశంతో నేనే డైరెక్ట్ చేసి నిర్మించుకున్నాను. గతంలో నేను చేసిన సినిమాల్లో నా పాత్ర సాఫ్ట్ గా ఉండటంతో దర్శకులు అంతా నన్ను అదేకోణంలో చూస్తున్నారు. అందుకే ఈ చిత్రంలో యాక్షన్, లవ్, ఎమోషన్స్ అన్ని ట్రై చేశాను. సినిమాలపై చిన్నప్పటి నుండీ నాకు ఇంట్రెస్ట్ ఎక్కువ.. అది తెలుసుకుని నా పేరెంట్స్ నన్ను ఎంకరేజ్ చేసారు. కథ,స్క్రీన్ ప్లే రాసుకొని స్నేహితుల సహాయంతో ఈ మూవీని నిర్మించాను. జులాయిగా తిరిగే ఓ యువకుడికి దొరికిన స్మార్ట్ ఫోన్ అతని జీవితాన్ని ఎలా మార్చివేసింది అన్నదే ఈ చిత్రం కథ. చిన్న చిత్రాలకు ప్రేక్షకుల మౌత్ టాక్ చాలా అవసరం అది లేకుండా ప్రచారం జరగదు. అందుకే ఫస్ట్ డే మార్నింగ్ షో ఉచితంగా ఈ చిత్రాన్ని ప్రదర్శిస్తున్నాం.” అంటూ చెప్పుకొచ్చాడు. అయితే ఫ్రీ షో వేసినంత మాత్రాన జనాలు వస్తారా.. వచ్చినా పూర్తిగా చూస్తారా.. అనే సెటైర్లు కూడా పడుతున్నాయి. మరి చేతన్ ప్రయత్నం ఏ మాత్రం ఫలిస్తుందో చూద్దాం..!

తెనాలి రామకృష్ణ బిఏ బిఎల్ సినిమా రివ్యూ & రేటింగ్!
యాక్షన్ సినిమా రివ్యూ & రేటింగ్!
తిప్పరామీసం సినిమా రివ్యూ & రేటింగ్!
ఏడు చేపల కథ సినిమా రివ్యూ & రేటింగ్!