ఎవరో ఊరు పేరు తెలియని వ్యక్తి ట్విటర్‌లో ఏదో రాస్తే… ఆ మాటను తీసుకొని కాలర్లు పట్టుకునే అభిమానులు ఉన్న రోజులివి. వాడెవడు, ఎందుకన్నాడు, ఏ సందర్భంలో అన్నాడు, అసలు అన్నాడా లేదా అనే విషయాల్ని కూడా పక్కనపెట్టేసి మరీ గొడవలు పడతారు. అందులో కారణం ఏమైనా ఉంటుందా అంటే… తమ అభిమాన హీరో సినిమానో, హీరోనో ఏదో మాట అని ఉంటాడు అంతే. ఇదంతా ఓ అభిమాని అంటేనే జరుగుతున్న పంచాయతి. అలాంటిది ఈ మాట ఓ స్టార్‌ హీరోనే అంటే.. ఇక పరిస్థితి ఎలా ఉంటుందో చూడండి.
కోలీవుడ్‌ సినిమాలను, అక్కడి హీరోల మాటల్ని ఫాలో అవుతుంటే.. ఇప్పటికే మేం ఏ హీరోల గురించి, ఏ సినిమాల గురించి మాట్లాడుతున్నామో మీకు అర్థమైపోయుంటుంది. ఒకవేళ ఫాలో కానివాళ్లకు అయితే ఆ హీరోలు రజనీకాంత్‌, విజయ్‌. ఆ సినిమాలు ‘బీస్ట్‌’, ‘అన్నాత్తే’. ఇటీవల ‘జైలర్‌’ సినిమా ప్రచారంలో భాగంగా రజనీకాంత్‌ ఓ ఈవెంట్లో మాట్లాడుతూ ‘బీస్ట్‌’ సినిమా ఫలితం గురించి మాట్లాడారు. ఆ సినిమాకు సరైన విజయం దక్కలేదు అనే యాంగిల్‌లో కామెంట్‌ చేశారు. అయితే ఆ సినిమాకు లాభాలు వచ్చాయి అని మాత్రం చెప్పారు.
అయితే, ఇప్పుడు విజయ్‌ అభిమానులు మాత్రం రజనీకాంత్‌ చెప్పిన మాటల్లో సగం మాత్రమే తీసుకొని నానా రచ్చ చే్తున్నారు. ఇన్నాళ్లూ ‘బీస్ట్‌’ సినిమాను ఇష్టపడని విజయ్‌ అభిమానులు కూడా ఇప్పుడు ఆ సినిమా గొప్ప విజయం సాధించింది అనేలా మాట్లాడేస్తున్నారు. మా హీరో సినిమాను రజనీకాంత్‌ అలా అనడం సరికాదు అంటూ నీతి వాక్యాలు చెబుతున్నారు. గతంలో ఆ సినిమాను విజయ్‌ తండ్రి బాగోలేదు అని అన్న మాటను మరచిపోయి మరీ ఇప్పుడు తలైవాను అనేస్తున్నారు.
మరికొందరు ఫ్యాన్స్‌ అయితే రజనీకాంత్‌ ‘అన్నాత్తే’ (Annaatthe) సినిమా ఫలితం గురించి ప్రస్తావిస్తున్నారు. ఆ సినిమా బాగా ఆడలేదని గుర్తు చేస్తున్నారు. ఈ సినిమా హిట్‌ అని ఎవరూ అనకపోయినా ఆ సినిమా ప్రస్తావన తీసుకొస్తున్నారు. మరికొందరైతే ‘జైలర్‌’ వస్తుంది కదా చూద్దాం అనే రేంజిలో మాట్లాడుతున్నారు. దీనికి రజనీ అభిమానుల నుండి అదే మోతాదులో స్పందన కూడా వస్తోంది. ఈ నేపథ్యంలో కోలీవుడ్‌లో చిన్నపాటి ఫ్యాన్‌ వార్‌ మొదలైంది అని చెప్పొచ్చు. మరి దీని ముగింపునకు హీరోలు ఏమన్నా పిలుపు ఇస్తారేమో చూడాలి.
ఆ హీరోయిన్ ఎంత రెమ్యునరేషన్ తీసుకుంటుందో తెలిస్తే షాక్ అవుతారు..!
‘బ్రో’ ‘బలగం’ తో పాటు చావు కాన్సెప్ట్ తో రూపొందిన 10 సినిమాల లిస్ట్..
హైప్ లేకుండా రిలీజ్ అయిన 10 పెద్ద సినిమాలు… ఎన్ని హిట్టు… ఎన్ని ప్లాప్?
Home