అగ్ర హీరోను కొత్త దర్శకుడు హ్యాండిల్‌ చేయడం అంత ఈజీ కాదు. అందులో ఆ హీరోకు అంతకుముందు ఫ్లాప్‌ ఉంటే ఇంకా ఇష్టం. అదే ఆ ఫ్లాప్‌ డిజాస్టర్‌ అయితే ఇంకా కష్టం. గతంలో ఇలాంటి కష్టం బాబీకి వస్తే.. ఇప్పుడు కల్యాణ్‌ కృష్ణకు వచ్చింది. ఇప్పటికే అర్థమైపోయుంటుంది మేం ఏ సినిమా గురించి చెబుతున్నామో. అవును ‘బ్రో డాడీ’ రీమేక్‌ గురించే. త్వరలో ఈ సినిమా ప్రారంభమవుతున్న నేపథ్యంలో ఇప్పుడు అందరి చూపు కల్యాణ్‌ మీద పడింది.
అక్కినేని హీరోలకు హిట్లు ఇచ్చే దర్శకుడు అంటే… ఇటీవల కాలంలో గుర్తొచ్చే పేరు కల్యాణ్‌ కృష్ణ కురసాల. నాగార్జున ‘సోగ్గాడే చిన్ని నాయిన’తో దర్శకుడిగా కెరీర్‌ను ప్రారంభించిన కల్యాణ్‌ కృష్ణ ఆ తర్వాత ‘రారండోయ్‌ వేడుక చూద్దాం’ అంటూ నాగచైతన్యతో తీసి మంచి విజయం అందుకున్నాడు. ఆ తర్వాత నాగార్జున, నాగచైతన్యతో కలసి ‘బంగార్రాజు’ చేసి మెప్పించాడు. అయితే మధ్యలో రవితేజతో ‘నేల టికెట్‌’ తీసి ఇబ్బందిపడ్డారు, ఇబ్బంది పెట్టారు కూడా. అయితే ఇప్పుడు బాగా టెన్షన్‌ పడే పరిస్థితి వచ్చింది.
చిరంజీవి హీరోగా సుస్మిత కొణిదెల నిర్మాణంలో కల్యాణ్‌ కృష్ణ ఓ సినిమా చేయాలి. త్వరలో ఈ సినిమా ప్రారంభం అని అంటున్నారు కూడా. కానీ ఇప్పుడు చూస్తే ‘భోళా శంకర్’ సినిమా ఇబ్బందికర ఫలితం అందుకుంది. దీంతో నెక్స్ట్‌ సినిమా చిరుకు హిట్‌ పడాలి. ఏం రేంజి హిట్‌ పడాలి అంటే ‘వాల్తేరు వీరయ్య’ లాంటి విజయం రావాలి. దీంతో అప్పుడు దర్శకుడు బాబీ చేసిన పని ఇప్పుడు కల్యాణ్‌ కృష్ణ చేసి తీరాలి. లేకపోతే చిరుకు, ఫ్యాన్స్‌కు ఇబ్బందే.
చిరు – కల్యాణ్‌ చేయబోయే సినిమా మలయాళ హిట్‌ సినిమా ‘బ్రో డాడీ’కి రీమేక్‌ అంటున్నారు. మోహన్‌ లాల్‌, పృథ్వీరాజ్‌ సుకుమారన్‌ కాంబినేషన్‌లో రూపొందిన చిత్రమిది. ఇప్పుడు ఇదే సినిమాను తెలుగులో కల్యాణ్‌ కృష్ణ తెరకెక్కిస్తారని టాక్‌. రీమేక్‌ను ఎలా హ్యాండిల్‌ చేస్తారనేది ఓ ప్రశ్న అయితే, చిరుకు రీమేక్‌లు వద్దని ఫ్యాన్స్‌ అంటున్న వేళ ఈ సినిమా ఏమవుతుంది అనేది చూడాలి. అయితే ఈ సినిమాను కథను రైటర్‌ ప్రసన్న కుమార్‌ బాగా మార్చారు అనే మాట కూడా వినిపిస్తోంది.
జైలర్ సినిమా రివ్యూ & రేటింగ్!
భోళా శంకర్ సినిమా రివ్యూ & రేటింగ్!
‘భోళా శంకర్’ తో పాటు సిస్టర్ సెంటిమెంట్ తో రూపొందిన సినిమాల లిస్ట్..!
