బాలీవుడ్‌ క్లాసిక్‌ లవ్‌ స్టోరీలన్నీ ఒకే చోట చూస్తారా?

యశ్‌ రాజ్ ఫిల్మ్స్‌… బాలీవుడ్‌ ఈ ప్రొడక్షన్‌ హౌస్‌ గురించి తెలియనివారుండరు. ఆ నిర్మాణ సంస్థ నుండి వచ్చి నటులు, దర్శకులు స్టార్లు అయ్యారు. అంత గొప్ప క్లాసిక్‌ సినిమాలు వచ్చాయి వారి నుండి. అందులో ఎక్కువగా విభిన్నమైన ప్రేమకథలే కనిపిస్తాయి. అలా అని యశ్‌రాజ్‌ ఫిల్మ్స్‌ను ఒకే గాటన కట్టలేం. భారీ యాక్షన్‌ సినిమాలు కూడా చేస్తుంటారు. రోజుకు వంద కోట్లు వసూళ్లు చేస్తున్న ‘పఠాన్‌’ ఆ ప్రొడక్షన్‌ హౌస్‌ నుండి వచ్చినదే.

ఇక అసలు విషయానికొస్తే.. యశ్‌ రాజ్‌ ఫిల్మ్స్‌ 50 ఏళ్లు పూర్తి చేసుకున్న సందర్భంగా నెట్‌ఫ్లిక్స్‌లో అదిరిపోయే సిరీస్‌ ప్లాన్‌ చేశారు. వాళ్ల బ్యానర్‌లో వచ్చిన ప్రేమకథలు, యాక్షన్‌ సినిమాలను మేళవించి నాలుగు ఎపిసోడ్లలో ఆసక్తికరమైన విషయాలు చెప్పబోతున్నారు. దీనికి సంబంధించిన ప్రోమోను నెట్‌ఫ్లిక్స్‌ విడుదల చేసింది. యశ్ రాజ్‌ బ్యానర్‌ నుండి వచ్చిన సినిమాల గురించి ఆయా సినిమాల్లో నటించిన స్టార్లు తమ అనుభవాలను చెప్పనుకన్నారు. ఆ సమయంలో యశ్‌ రాజ్‌, ఆదిత్యతో తమ అనుభవాలు కూడా చెప్పనున్నారు.

వాలెంటైన్స్‌ డే సందర్భంగా ఫిబ్రవరి 14న ఈ స్పెషల్‌ ఫిల్మ్‌ను రిలీజ్‌ చేయబోతున్నారు. సినిమా అంటే రోజుల లెక్క మల్టీ ప్లెక్స్, పాప్ కార్న్, ఫుట్‌ఫాల్స్‌ లెక్క, ఓటీటీలో నిమిషాలు, గంటల లెక్క అనుకునేవాళ్లకు ఈ డాక్యుమెంటరీ ఒకప్పటి విశేషాలను కళ్లకు కట్టినట్లు చూపిస్తుంది అంటున్నారు. యశ్‌రాజ్‌ సినిమాలు కాబట్టి కచ్చితంగా ప్రేమకథలకు అగ్రభాగం ఉంటుంది. అంతెందుకు ఇప్పుడు విడుదల చేసి రెండు నిమిషాల పది సెక్షన్ల వీడియోలోనూ అవే ఎక్కువగా కనిపిస్తున్నాయి.

ఈ డాక్యుమెంటరీలో అమితాబ్ బచ్చన్, షారుఖ్ ఖాన్, సల్మాన్ ఖాన్, రణ్‌వీర్‌ సింగ్, రణ్‌బీర్‌ కపూర్, రాణీ ముఖర్జీ, అభిషేక్ బచ్చన్, కట్రినా కైఫ్, జూహీ చావ్లా, అమిర్ ఖాన్, హృతిక్ రోషన్, మాధురీ దీక్షిత్, ఐశ్వర్య రాయ్.. తదితరులు తమ అనుభూతులు, అనుభవాల గురించి చెప్పబోతున్నారు. అలాగే ఇప్పటివరకు మీడియా కెమెరాల కంటికి ఇంటర్వ్యూ ఇవ్వని ఆదిత్య చోప్రా మొదటిసారి ఈ వీడియోలో మాట్లాడబోతున్నారు.

2008 లోనే హనీ రోజ్ చేసిన తెలుగు సినిమా ఏదో తెలుసా ??
నటి శృతి హాసన్ పాడిన 10 పాటలు ఇవే!

షారుఖ్-సల్మాన్ కలిసొచ్చినా… బాహుబలి, ఆర్ఆర్ఆర్, కెజిఫ్ లను కొట్టలేకపోయారు!
కాంబినేషన్ మాత్రం క్రేజీ – కానీ అంచనాలు మించే సినిమాలు అవుతాయి అంటారా?