సినిమా ఓకే అయ్యాక నటీనటుల ఎంపికలో చాలా రకాల సమస్యలు ఉంటాయి. హీరో పక్కన హీరోయిన్‌ వెతికేటప్పుడు అయితే ఇంకా కష్టం. సీనియర్‌ స్టార్ హీరోల విషయంలో ఇలాంటి సమస్యలు టాలీవుడ్లో చాలా చూస్తున్నాం. ఇప్పుడు కమల్‌ హాసన్‌కు కూడా హీరోయిన్‌ సమస్య వస్తోంది. అయితే ఇక్కడ కారణం వేరు. సినిమా పరిశ్రమలో ఇలాంటి సమస్య చాలా తక్కువగా వస్తుంటుంది అంటారు. ఇదంతా ‘పాపనాశం 2’ సినిమా గురించే. మలయాళంలో ఘనవిజయం సాధించిన ‘దృశ్యం’కు తమిళ రీమేక్‌గా ‘పాపనాశం’ తీశారు.
మన లాగే అక్కడ కూడా సినిమా విజయం సాధించింది. కమల్‌హాసన్‌, గౌతమి జంటగా ఆ సినిమాలో నటించారు. ఆ జోడీకి ఉన్న క్రేజ్‌ కూడా ఆ సినిమాకు బాగా ఉపయోగపడింది. అయితే ఇప్పుడు ‘దృశ్యం 2’ను ‘పాపనాశం 2’గా తీయాలని చిత్రబృందం చూస్తోంది. దీంతోనే సమస్య ఎదురైంది. అదే హీరోయిన్‌ సమస్య. ‘పాపనాశం’ సమయంలో కమల్‌, గౌతమి లివిన్‌ రిలేషన్‌లో ఉన్నారు. దీంతో కాస్టింగ్ సులువుగా సాగిపోయింది.
అయితే ఇప్పుడు పరిస్థితి మారిపోయింది. కమల్‌, గౌతమి విడిపోయారు. దీంతో ‘పాపనాశం 2’లో హీరోయిన్‌గా ఎవరిని తీసుకోవాలో తెలియడం లేదు. కొత్త హీరోయిన్‌ను తీసుకుంటారా, లేక గౌతమిని ఒప్పిస్తారా అనేది తెలియాలి. ఇప్పుడున్న పరిస్థితుల్లో రెండో ఆప్షన్‌ కష్టమే.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
