Custody Teaser: పవర్‌ఫుల్ యాక్షన్ ప్యాక్డ్ ‘కస్టడీ’ టీజర్‌‌లో ఇవి గమనించారా!

March 16, 2023 / 06:30 PM ISTByFilmy Focus

Join Us

Custody Teaser: పవర్‌ఫుల్ యాక్షన్ ప్యాక్డ్ ‘కస్టడీ’ టీజర్‌‌లో ఇవి గమనించారా!

యువ సామ్రాట్ అక్కినేని నాగచైతన్య, కృతి శెట్టి జంటగా.. తమిళ్ స్టార్ డైరెక్టర్ వెంకట్ ప్రభు దర్శకత్వంలో.. పవన్ కుమార్ సమర్పణలో.. శ్రీ శ్రీనివాసా సిల్వర్ స్క్రీన్స్ బ్యానర్ మీద శ్రీనివాసా చిట్టూరి నిర్మిస్తున్న పవర్ ఫుల్ యాక్షన్ ఎంటర్‌టైనర్‌.. ‘కస్టడీ’.. ‘తడాఖా’ తర్వాత నాగ చైతన్య పోలీసుగా నటిస్తున్న చిత్రమిది.. అరవింద్ స్వామి, ప్రియమణి, శరత్ కుమార్, సంపత్ రాజ్, ప్రేమ్ జీ అమరన్, వెన్నెల కిషోర్, ప్రేమి విశ్వనాథ్ (వంటలక్క) తదితరులు కీలకపాత్రల్లో నటిస్తున్నారు..

ఈ బైలింగ్వెల్ ఫిలింకి సంబంధించి ఇప్పటి వరకు రిలీజ్ చేసిన టైటిల్, ఫస్ట్ లుక్ పోస్టర్లకు మంచి రెస్పాన్స్ వచ్చింది.. గురువారం సాయంత్రం (మార్చి 16) ‘కస్టడీ’ టీజర్ రిలీజ్ చేశారు.. ఆద్యంతం ఆసక్తికరంగా అనిపించడమే కాక సినిమా మీద పాజిటివ్ బజ్ క్రియేట్ చేసింది.. ‘‘గాయపడిన మనసు ఆ మనిషిని ఎంత దూరం అయినా తీసుకెళ్తుంది.. అదిప్పుడు నన్ను తీసుకొచ్చింది ఒక యుద్ధానికి.. ఇక్కడ చావు నన్ను వెంటాడుతుంది.. అది ఎటునుంచి వస్తుందో, ఎప్పుడొస్తుందో, ఎలా వస్తుందో నాకు తెలీదు..

తెలుసుకోవాలని కూడా లేదు.. ఎందుకంటే.. నా చేతిలో ఉన్న ఆయుధం.. ఒక నిజం.. నిజం ఒక ధైర్యం.. నిజం ఒక సైన్యం.. ఎస్, ద ట్రూత్ ఈజ్ ఇన్ మై ‘కస్టడీ’’ అంటూ నాగ చైతన్య చెప్పిన డైలాగ్స్ పవర్ ఫుల్‌గా, హీరో క్యారెక్టర్‌ని ఎలివేట్ చేసేలా ఉన్నాయి.. చై సరికొత్త మేకోవర్‌లో కనిపించాడు.. కృతితో జస్ట్ అలా చూపించినా కానీ ఓ చోట గడ్డంలో రఫ్‌లుక్‌తో తండ్రి నాగార్జునను గుర్తు చేశాడు.. యాక్షన్ సీన్స్ కోసం కష్టపడ్డాడని అర్థమవుతోంది.. ప్రియమణి పొలిటిషియన్‌గా కనిపించనుందని తెలుస్తుంది..

అరవింద్ స్వామి, శరత్ కుమార్ ఇద్దరిలో ఎవరు అసలు విలన్ అనేది ఆసక్తికరంగా అనిపిస్తోంది.. సినిమాటోగ్రాఫర్ ఎస్.ఆర్. కథిర్ విజువల్స్ బాగున్నాయి.. ఇక ఈ చిత్రానికి లెజెండరీ మ్యూజిక్ డైరెక్టర్ ‘మాస్ట్రో’ ఇళయ రాజా, ఆయన తనయుడు యువన్ శంకర్ రాజా కలిసి సంగీతమందిస్తున్నారు.. బ్యాగ్రౌండ్ స్కోర్ అయితే అదిరిపోయిందనే చెప్పాలి.. ఇటీవలే షూటింగ్ కంప్లీట్ చేసుకున్న ‘కస్టడీ’ ప్రస్తుతం పోస్ట్ ప్రొడక్షన్ వర్క్ జరుపుకుంటోంది.. మే 12న తెలుగు, తమిళంలో భారీగా విడుదల చేయనున్నారు..