Chhaava Review in Telugu: ఛావా సినిమా రివ్యూ & రేటింగ్!

అయితే.. సంఘమేశ్వర్ లో శంభు మహారాజ్ అతితక్కువ సైన్యంతో ఉన్నాడని తెలుసుకున్న ముఘలులు దొడ్డిదారిన అతడ్ని బంధించడానికి ప్రయత్నిస్తారు. వేల మందిని మొండి చెయ్యితో ఎదిరించి.. చేతులు సంకెళ్ళతో కట్టేసేవరకు పోరాడుతూనే ఉంటాడు శంభు. అనంతరం మొఘల్ సామ్రాజ్యాధిపతి ఔరంగజేబు.. చేతికి చిక్కిన శంభును ఏ స్థాయిలో హింసించాడు? ఆ హింసను శంభు మహారాజ్ ఎంత ధైర్యంగా భరించాడు? అనేది ముగింపు.

నటీనటుల పనితీరు: విక్కీ కౌశల్ ఈ సినిమాలో చూపిన నట విశ్వరూపానికి నేషనల్ అవార్డ్ కూడా తక్కువే అనిపిస్తుంది. ఒక పాత్రను ఎంతలా ఓన్ చేసుకుంటే.. ఈ స్థాయిలో జీవించగలడు చెప్పండి. ముఖ్యంగా చివరి 20 నిమిషాల్లో విక్కి నటన కన్నీరు పెట్టించడమే కాక.. మనసు లోతుల్లో బలమైన భావోద్వేగానికి మేలుకొలుపుతుంది. కళ్లల్లో ధీరత్వమే కాదు,గొంతులో గంభీరతను కూడా అద్భుతంగా పండించాడు విక్కీ కౌశల్.

రష్మిక మందన్న (Rashmika Mandanna) మరో మంచి పాత్రలో ఆకట్టుకుంది. ఎడబాటును, భర్త బాధను మానసికంగా భరించి భార్యగా ఆమె పాత్రకు మంచి వెయిటేజ్ ఉంది. మన తెలుగు సినిమాల్లో కామెడీ విలన్స్ గా చూపించే.. అశుతోష్ రాణా (Ashutosh Rana), ప్రదీప్ రావత్ (Pradeep Rawat) లాంటి ఎంతో మంది నటులకు అద్భుతమైన పాత్రలు, ఎలివేషన్స్ పడ్డాయి. ఇంత మంచి నటుల్నా మనం సరిగా వాడుకోకుండా వేస్ట్ చేసుకుంటున్నాం అనిపిస్తుంది.

సాంకేతికవర్గం పనితీరు: రెహమాన్ (A.R.Rahman) సంగీతం ఈ సినిమాని ఎలివేట్ చేసిన విధానం గురించి మరో పదేళ్లు మాట్లాడుకుంటారు. హీరోయిజం నుండి విలనిజం.. అక్కడి నుంచి హీరోయిన్ ప్రేమ, తోటి సైనికుల బాధను ఎంతో వైవిధ్యంగా ఎలివేట్ చేసిన విధానం ప్రశంసనీయం. సౌరభ్ గోస్వామి సినిమాటోగ్రఫీ వర్క్ చాలా బాగుంది. అంత తక్కువ బడ్జెట్ లో, అంత మంచి అవుట్ పుట్ ఎలా ఇచ్చాడు అనేది చర్చనీయాంశం అవుతుంది.

వీళ్లిదారి తర్వాత ఆర్ట్ డిపార్ట్మెంట్ వర్క్ & మేకప్ వర్క్ గురించి చెప్పుకోవాలి. విక్కీ కౌశల్ దేహం మీద దెబ్బలను ప్రోస్థేటిక్స్ తో చాలా రియలిస్టిక్ గా చూపించిన విధానం అద్భుతం. విక్కీ తర్వాత అవార్డ్ గెలుచుకోవాల్సిన డిపార్ట్మెంట్ మేకప్ డిపార్ట్మెంట్ అని చెప్పడంలో ఎలాంటి సందేహం లేదు. అలాగే.. ఆర్ట్ డిపార్ట్మెంట్ గెరిల్లా యుద్ధ రీతులను భారీగా కాకుండా సహజంగా తెరకెక్కించేందుకు తోడ్పడిన విధానం అభినందనీయం.

లక్ష్మణ్ ఉటేకర్ చాలా సింపుల్ గా ఛావా పాత్రను ఎలివేట్ చేసిన విధానం.. ముఘలేయుల మాటల్లో అతడి గొప్పదనాన్ని వివరింపజేసిన తీరు మరాఠా ప్రేక్షకులకు మాత్రమే కాదు ప్రతి సగటు ప్రేక్షకుడి రోమాలు నిక్కబొడుచుకునేలా చేస్తాయి. లక్ష్మణ్ ఉటేకర్ ఈ సినిమాతో బడా దర్శకుల జాబితాలో చేరిపోయినట్లే. యాక్షన్ డైరెక్టర్స్ వర్క్ కూడా అదిరిపోయింది. ముఖ్యంగా 5000 మంది ముఘల్ సైన్యంతో ఛావా పోరాడే సీక్వెన్స్ ను తెరకెక్కించిన విధానం అద్భుతం అనే చెప్పాలి.

విశ్లేషణ: కొన్ని సినిమాలు థియేటర్ గేట్ దాకా గుర్తుంటాయి, కొన్ని సినిమాలు ఇంటికొచ్చేదాకా గుర్తుంటాయి. “ఛావా” (Chhaava) కొన్ని నెలలపాటు కళ్లల్లో మెదిలే సినిమా. విక్కీ కౌశల్ నట విశ్వరూపం, లక్ష్మణ్ ఉటేకర్ టేకింగ్, రెహమాన్ సంగీతం, యాక్షన్ కొరియోగ్రఫీ, మేకప్ వర్క్ వంటి అన్నీ అంశాలు మనసులో మెదులుతూ, మరోసారి థియేటర్లో చూడాలి అని పరితపించేలా చేస్తాయి. బాలీవుడ్ లో విక్కీ కౌశల్ హవా ఈ సినిమాతో మొదలవ్వడం ఖాయం.

ఫోకస్ పాయింట్: వాహ్ విక్కీ!

రేటింగ్: 3.5/5

Click Here To Read in ENGLISH