‘వాల్తేరు వీరయ్య’గా మొన్న సంక్రాంతి వచ్చి సందడి చేస్తున్నారు చిరంజీవి. వింటేజ్‌ చిరు ఈజ్‌ బ్యాక్‌ అంటూ అభిమానులు, ప్రేక్షకులు పొంగిపోతున్నారు. ఈ సందడి ఇలా ఎంజాయ్‌ చేస్తున్నారో లేదో.. మరోవైపు చిరంజీవి నెక్స్ట్‌ సినిమా కోసం రెడీ అయిపోయారు. గతంలో కాస్త షూటింగ్ జరుపుకున్న ‘భోళా శంకర్’ సెట్‌లో అడుగుపెట్టేశారు. గురువారం ఆ సినిమా సెట్‌లో ‘వాల్తేరు వీరయ్య’ సక్సెస్‌ సెలబ్రేషన్స్‌ కూడా జరిగిపోయాయి. సినిమా తర్వాత గ్యాప్‌ కూడా తీసుకోకుండా చిరంజీవి ఎందుకు అప్పుడే షూటింగ్ మొదలుపెట్టారు అనే డౌట్‌ మీకు వచ్చిందా?
మీకే కాదు.. ఈ డౌట్‌ చాలామంది అభిమానులకు ఉంది. దానికి సమాధానం మా దగ్గర ఉంది. వీరయ్య టు శంకర్ అవ్వడానికి చిరు గ్యాప్‌ తీసుకోకపోవడానికి పెద్ద కారణమే ఉంది అంటున్నారు. ఈ సినిమా కొత్త షెడ్యూల్‌ను కాస్త గ్యాప్‌ తీసుకొని చేద్దామని తొలుత అనుకున్నారట. అయితే ఇప్పుడు ప్లాన్‌ మారడంతో స్టార్ట్ చేశారని సమాచారం. మెహర్ రమేష్ దర్శకత్వంలో తెరకెక్కుతున్న ‘భోళా శంకర్’ సినిమా కోసం కొన్ని రోజుల క్రితం సెట్ వేశారు.ఆ సెట్ లోనే కొత్త షెడ్యూల్ మొదలుపెట్టారు.
ఈ సినిమాను తొలుత విజయదశమి సందర్భంగా విడుదల చేయాలని టీమ్‌ అనుకున్నారట. సమ్మర్‌ సీజన్‌ అసలు వారి మనసులోనే లేదట. వర్షాలు అయిపోయి, పరీక్షలు అయిపోయాక సినిమా విడుదల చేద్దాం అని తొలుత అనుకున్నారు. అయితే ఏమైందో ఏమో సినిమాను ఇప్పుడు మే నెలలో తెచ్చేద్దామని అనుకుంటున్నారట. దీని కోసం సినిమా షూటింగ్‌ను ఇప్పుడు షురూ చేశారు అంటున్నారు. సినిమాకు సంబంధించి ఇప్పటికే 60 శాతానికి పైగా షూటింగ్ పూర్తయిందట.
దీంతో వీలైనంత తొందరగా ఈ సినిమాను పూర్తిచేయాలని అనుకుంటున్నారట. పరీక్షలు, ఐపీఎల్‌ టోర్నీ ముగిసిన వెంటనే ఈ సినిమాను తెచ్చేద్దాం అనేది తాజా ప్లాన్‌. అయితే అప్పటికల్లా సినిమా అయిపోతుందా.. తెచ్చేస్తారా అనేది చెప్పలేం. కంగారు కంగారుగా సినిమా పూర్తి చేయడం అంత ఈజీ కాదు. దీని వల్ల సమస్యలు వస్తాయి. ఏకే ఎంటర్ టైన్ మెంట్స్ బ్యానర్ పై తెరకెక్కుతున్న ఈ సినిమాకు మహతి స్వరసాగర్ సంగీతం అందిస్తున్నారు. తమన్నా కథానాయికగా నటిస్తున్న ఈ సినిమాలో చిరుకు సోదరిగా కీర్తి సురేశ్‌ నటిస్తోంది.
వీరసింహారెడ్డి సినిమా రివ్యూ & రేటింగ్!
వాల్తేరు వీరయ్య సినిమా రివ్యూ & రేటింగ్!
‘ఆంధ్రావాలా’ టు ‘అజ్ఞాతవాసి’ .. సంక్రాంతి సీజన్లో మర్చిపోలేని డిజాస్టర్ గా సినిమాల లిస్ట్..!
తలా Vs దళపతి : తగ్గేదేలే సినిమా యుద్ధం – ఎవరిది పై చేయి?
