చిరంజీవి బాగా వంట చేస్తారనే విషయం మనకు తెలిసిందే. లాక్‌డౌన్‌ టైమ్‌లో దోశెలు, చేపల కూర లాంటివి చేసి తల్లి అంజనాదేవి దగ్గర మంచి మార్కులు కొట్టేశారు చిరంజీవి. అంతకుముందు కూడా చాలాసార్లు చిరంజీవి వంట చేశారనే విషయం మనకు తెలిసిందే. అయితే తాజాగా మరోసారి తన పాకశాస్త్ర ప్రావీణ్యాన్ని చూపించారు చిరంజీవి. ఈసారి టేస్ట్ చేసింది కింగ్ నాగార్జున. దీనికి సంబంధించిన పిక్‌ను నాగార్జున సోషల్ మీడియాలో పోస్ట్‌ చేయగా… ఇప్పుడది వైరల్‌గా మారింది.
‘వైల్డ్‌ డాగ్‌’ సినిమా ఈ రోజు విడుదలైంది. ఈ నేపథ్యంలో టెన్షన్‌లో ఉన్న తనకు చిరంజీవి డిన్నర్‌ చేసి పెట్టి కూల్‌ చేసే ప్రయత్నం చేశారని నాగార్జున ఫొటోతోపాటు రాసుకొచ్చారు. ఫొటోలో చూస్తే… నాగ్ కోసం చిరంజీవి చికెన్ లెగ్‌ వండిపెట్టినట్లు కనిపిస్తోంది. అంతేకాదు ఆ ఫొటో క్లిక్‌మనిపించింది మెగాస్టార్ హోం మినిస్టర్‌ సురేఖగారట. ఈ విషయాన్ని కూడా నాగార్జునే చెప్పుకొచ్చారు. టేస్ట్ ఎలా ఉందని ప్రత్యేకంగా చెప్పక్కర్లేదు.. ఎందుకంటే చిరంజీవి మంచి కుక్‌ కదా.
ఇదిలా ఉండగా.. ఈ ఫొటోపై సోషల్ మీడియాలో రకరకాల కామెంట్లు కనిపిస్తున్నాయి. బాస్‌ వంట తిని… కింగ్ భలే ఎంజాయ్‌ చేసుంటాడు అని కొందరు అంటుంటే. ‘వైల్డ్‌ డాగ్‌’ ప్రమోషన్‌ను ఇలా కూడా చేయొచ్చా నాగ్ అంటూ ఇంకొందరు కామెంట్లు చేస్తున్నారు. ఎలా చేస్తే ఏముంది మెగా, కింగ్ అభిమానులకు అయితే ఈ ఫొటో కనులపండువగా అనిపిస్తోంది.
A delicious dinner Cooked by the megastar himself to cool my nerves for #WildDog release tomorrow !! Thank you For a wonderful evening @KChiruTweets 🙏 picture courtesy Surekha garu 😊 pic.twitter.com/86FO5aWI1Q
— Nagarjuna Akkineni (@iamnagarjuna) April 1, 2021
Most Recommended Video
రంగ్ దే సినిమా రివ్యూ & రేటింగ్!
అరణ్య సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
