PS1: పొన్నియన్ సెల్వన్ కోసం ఎవరు ఎంత తీసుకున్నారో తెలుసా?

September 30, 2022 / 06:57 PM IST

మణిరత్నం దర్శకత్వంలో ఎంతో ప్రతిష్టాత్మకంగా ప్రేక్షకుల ముందుకు వచ్చిన చిత్రం పొన్నియన్ సెల్వన్. పొన్నియన్ సెల్వన్ నవల ఆధారంగా తెరకెక్కిన ఈ సినిమా పాన్ ఇండియా స్థాయిలో నేడు ప్రేక్షకుల ముందుకు వచ్చింది. ఇకపోతే ఈ సినిమాలో స్టార్ సెలబ్రిటీలు నటించిన విషయం మనకు తెలిసిందే.అత్యంత భారీ బడ్జెట్ చిత్రంగా ప్రేక్షకుల ముందుకు వచ్చిన ఈ సినిమా కోసం ఎవరు ఎంత రెమ్యూనరేషన్ తీసుకున్నారనే విషయం గురించి ప్రస్తుతం హాట్ టాపిక్ గా మారింది.

ఈ క్రమంలోనే ఈ సినిమాలో హీరోలుగా నటించినటువంటి చియాన్ విక్రమ్ ఏకంగా 12 కోట్ల రూపాయల రేషన్ తీసుకున్నట్లు తెలుస్తుంది. అలాగే జయం రవి 8 కోట్లు, కార్తీ ఐదు కోట్ల రూపాయల రెమ్యూనరేషన్ తీసుకున్నట్లు సమాచారం. ఇక ఈ సినిమా పాన్ ఇండియా స్థాయిలో విడుదల కానున్న నేపథ్యంలో మాజీ ప్రపంచ సుందరి ఐశ్వర్యరాయ్ కీలక పాత్రలో నటించారు. అదేవిధంగా త్రిష కూడా ఈ సినిమాలో నటించారు.

ఈ సినిమాలో ఐశ్వర్య రాయ్ నటించినందుకుగాను ఈమె పది కోట్ల రూపాయల రెమ్యూనరేషన్ తీసుకున్నారు. అదేవిధంగా త్రిష ఐదు కోట్ల రూపాయల రెమ్యూనరేషన్ తీసుకున్నట్లు తెలుస్తోంది.ప్రస్తుతం నటీనటుల పారితోషాకానికి సంబంధించిన ఈ వార్తలు సోషల్ మీడియాలో వైరల్ అవుతున్నాయి. మరి ఈ వార్తలలో ఎంతవరకు నిజముందో తెలియదు.

ఇకపోతే మణిరత్నం డ్రీం ప్రాజెక్టుగా ప్రేక్షకుల ముందుకు వచ్చిన ఈ సినిమా ప్రేక్షకులను ఊహించిన స్థాయిలో ఆకట్టుకోలేక పోయిందని చెప్పాలి. ప్రస్తుతం మిక్స్డ్ టాక్ సొంతం చేసుకున్న ఈ సినిమా కలెక్షన్ల పరంగా ఎలాంటి కలెక్షన్లను రాబడుతుందో తెలియాల్సి ఉంది. ఇక ఈ చిత్రాన్ని రెండు భాగాలుగా విడుదల చేయనున్నట్లు మణిరత్నం ప్రకటించారు.