Ram Jagadeesh: కోర్ట్ డైరెక్టర్.. నెక్ట్స్ హీరో దొరికేశాడు!

2025లో విడుదలైన ‘కోర్ట్’ (Court) సినిమా టాలీవుడ్‌లో అత్యంత లాభదాయక చిత్రాల్లో ఒకటిగా నిలిచింది. న్యాచురల్ స్టార్ నాని  (Nani) నిర్మాణంలో, పెద్దగా స్టార్ కాస్టింగ్ లేకుండా రూపొందిన ఈ కోర్ట్ రూమ్ డ్రామా, థియేటర్లలో ప్రేక్షకులను ఆకర్షించడమే కాకుండా, నెట్‌ఫ్లిక్స్‌లో విడుదలైన తర్వాత ‘ఛావా’ సినిమాకు సమానంగా పాన్-ఇండియా స్థాయిలో ఆదరణ పొందింది. దర్శకుడు రామ్ జగదీశ్ (Ram Jagadeesh) న్యాయస్థానంలోని అంశాలను సమర్థవంతంగా చూపించిన తీరు, కథను విసిగించకుండా ప్రజెంట్ చేసిన విధానం అందరి ప్రశంసలు అందుకుంది.

Ram Jagadeesh

సోషల్ మీడియాలో ఇతర భాషల స్టార్ల నుంచి కూడా ఈ సినిమాకు మంచి పేరు వచ్చింది. ఈ విజయంతో రామ్ జగదీశ్ తన రెండో సినిమాకు సిద్ధమవుతున్నాడని సమాచారం. ఈ చిత్రాన్ని కూడా నాని నిర్మించనున్నాడని, ‘కోర్ట్’ షూటింగ్ సమయంలోనే ఈ ప్రాజెక్ట్‌కు సంబంధించి అగ్రిమెంట్ కుదిరినట్లు తెలుస్తోంది. నాని ఇలా ముందస్తుగా కమిట్ కావడం చాలా అరుదు, గతంలో శైలేష్ కొలను తర్వాత రామ్ జగదీశ్‌కే ఇలాంటి అవకాశం దక్కడం విశేషం.

ఈ సినిమాకు హీరోగా దుల్కర్ సల్మాన్ (Dulquer Salmaan)  ఎంపికైనట్లు సమాచారం, వీరిద్దరి కాంబినేషన్‌లో ఒక డిఫరెంట్ కాన్సెప్ట్‌తో సినిమా రానుందని టాక్. రామ్ జగదీశ్ మరోసారి తన దర్శకత్వ ప్రతిభను చాటుకునే అవకాశం ఈ సినిమాతో రానుంది. ‘కోర్ట్’ సినిమాతో నాన్-కమర్షియల్ కంటెంట్‌తోనే భారీ విజయం సాధించిన రామ్ జగదీశ్, ఈసారి దుల్కర్ సల్మాన్ వంటి స్టార్ హీరోతో, మంచి బడ్జెట్‌తో సినిమా తీస్తున్నాడు. ఈ సినిమా ప్రీ-ప్రొడక్షన్ పనులు జరుగుతున్నాయి, ఇంకో వారం లేదా పది రోజుల్లో ఫైనల్ నిర్ణయం జరిగే అవకాశం ఉందని సమాచారం.

ఫైనల్ స్క్రిప్ట్ లాక్ అయిన వెంటనే అధికారిక ప్రకటన వచ్చే సూచనలు ఉన్నాయి. మరోవైపు, నాని తన తదుపరి చిత్రం ‘ది ప్యారడైజ్’ (The Paradise) కోసం మేకోవర్‌లో బిజీగా ఉన్నాడు. ఈ సినిమా షూటింగ్ జూన్ నుంచి ప్రారంభం కానుంది, శ్రీకాంత్ ఓదెల (Srikanth Odela) దర్శకత్వంలో తెరకెక్కుతున్న ఈ సినిమా కోసం నాని లేని సన్నివేశాలను, చైల్డ్‌హుడ్ ఎపిసోడ్‌లను మే నెలలో పూర్తి చేయనున్నారు. నాని నిర్మాణంలో రామ్ జగదీశ్ (Ram Jagadeesh) సినిమా తీయడం, దుల్కర్ సల్మాన్ హీరోగా చేయడం ఈ ప్రాజెక్ట్‌పై అంచనాలను మరింత పెంచుతోంది.

ఒకప్పటి విలన్ గురించి కూతురు ఎమోషనల్ కామెంట్స్!