ఎట్టకేలకు హిందీలో రీమేక్ అవుతున్న అరుంధతి మూవీ

July 22, 2020 / 09:19 PM ISTByFilmy Focus

Join Us

ఎట్టకేలకు హిందీలో రీమేక్ అవుతున్న అరుంధతి మూవీ

బాహుబలి లాంటి మూవీలో ఓ అద్భుతమైన పాత్ర చేసే అవకాశం అనుష్కకు బహుశా అరుంధతి చిత్రం వలనే వచ్చి ఉంటుంది. హారర్ జోనర్ లో ఫీమేల్ ఓరియెంటెడ్ చిత్రంగా వచ్చిన అరుంధతి అనేక రికార్డ్స్ నమోదు చేసింది. ముఖ్యంగా రెండు కాలాలకు చెందిన పాత్రలలో అనుష్క నటన ప్రేక్షకులను మంత్రం ముగ్దుల్ని చేసింది. ఆ చిత్రం తరువాత అనుష్క స్టార్ డమ్ పూర్తిగా మారిపోయింది. ఆమె కెరీర్ కి ఫుల్ మైలేజ్ ఇచ్చిన చిత్రం అరుంధతి అని చెప్పడం అతిశయోక్తి కాదు.

దర్శకుడు కోడిరామ కృష్ణ తెరకెక్కించిన ఈ విజువల్ వండర్ ని మల్లెమాల ఎంటర్టైన్మెంట్స్ పతాకంపై శ్యామ్ ప్రసాద్ రెడ్డి నిర్మించారు. అప్పటికే అంజి చిత్ర పరాజయంతో ఆర్థికంగా ఇబ్బందుల్లో ఉన్న ఆయన అనేక వ్యయప్రయాసల కోర్చి ఈ మూవీ నిర్మించి విడుదల చేశారు. భారీ విజయం అందుకొని ఆయన కష్ఠాలు మొత్తం ఈ మూవీ తీర్చి వేసింది. కాగా ఈ మూవీ విడుదలై దాదాపు 11 ఏళ్ళు అవుతుంది. ఇప్పుడు ఈ చిత్రం హిందీలో రీమేక్ కానుంది.

మెగా ప్రొడ్యూసర్ అల్లు అరవింద్ రీమేక్ హక్కులను దక్కించుకున్నారు. మరో నిర్మాత మధు మంతెన తో కలిసి అరుంధతి హిందీ రీమేక్ తెరకెక్కించనున్నారు. కాగా ఈ చిత్రంలో అనుష్క పాత్ర కోసం బాలీవుడ్ స్టార్ హీరోయిన్ దీపికా పదుకొనె ని తీసుకొనే ఆలోచనలో చిత్ర బృందం ఉంది. ఒకవేళ దీపిక ఈ ప్రాజెక్ట్ ఓకే చేస్తే మరింత ప్రచారం దక్కడం ఖాయం. తెలుగులో బాక్సాఫీస్ రికార్డ్స్ దుమ్ముదులిపిన అరుంధతి అక్కడ ఏస్థాయి విజయం దక్కించుకుంటుందో చూడాలి.