Family Star: ‘ది ఫ్యామిలీ స్టార్’ కాదు ముందుగా అనుకున్న టైటిల్ అదేనట..!

‘గీత గోవిందం’ (Geetha Govindam) వంటి బ్లాక్ బస్టర్ సినిమా తర్వాత విజయ్ దేవరకొండ (Vijay Devarakonda), పరశురామ్(బుజ్జి) (Parasuram)   కాంబినేషన్లో రూపొందిన చిత్రం ‘ది ఫ్యామిలీ స్టార్’ (Family Star) . ‘శ్రీ వెంకటేశ్వర క్రియేషన్స్’ బ్యానర్ పై దిల్ రాజు ఈ చిత్రాన్ని ఎంతో ప్రతిష్టాత్మకంగా నిర్మించారు. మృణాల్ ఠాకూర్ (Mrunal Thakur)  హీరోయిన్ గా నటించిన ఈ సినిమాకి గోపి సుందర్ (Gopi Sundar)  సంగీత దర్శకుడు. ‘నంద నందన’ ‘కళ్యాణి వచ్చా’ అనే పాటలకి మంచి రెస్పాన్స్ లభించింది. అలాగే గ్లింప్స్, టీజర్, ట్రైలర్ వంటి వాటికి కూడా సూపర్ రెస్పాన్స్ లభించింది అని చెప్పాలి.

ఏప్రిల్ 5 న ఈ సినిమా గ్రాండ్ గా రిలీజ్ కాబోతోంది. ఈ క్రమంలో భాగంగా నిర్మాత దిల్ రాజు కూడా ఈ చిత్రాన్ని అగ్రెసివ్ గా ప్రమోట్ చేస్తున్నారు. ఇదిలా ఉండగా.. ‘ది ఫ్యామిలీ స్టార్’ లో హీరో విజయ్ దేవరకొండ ఓ మిడిల్ క్లాస్ ఫ్యామిలీ మెన్ గా కనిపించబోతున్నాడు. మిడిల్ క్లాస్ జనాలు ఎంత సింపుల్ గా ఉండటానికి ఇష్టపడతారో, ఖర్చులు పెరిగితే ఎలా కంగారుపడతారో.. అలాంటి పాత్రలో విజయ్ దేవరకొండ ఈ సినిమాలో కనిపించబోతున్నాడు అని స్పష్టమవుతుంది.

టీజర్, ట్రైలర్స్ లో విజయ్ నటన కూడా చాలా సహజంగా ఉన్నట్టు స్పష్టమవుతుంది. ఇది పక్కన పెడితే.. ‘ది ఫ్యామిలీ స్టార్’ సినిమాకు ముందుగా అనుకున్న టైటిల్ వేరే ఉందట. ముందుగా ఈ చిత్రానికి ‘కుటుంబరావ్’ అనే టైటిల్ అనుకున్నారట. కానీ యూత్ కి ఇంకాస్త బాగా కనెక్ట్ అవ్వాలని భావించి తర్వాత ‘ది ఫ్యామిలీ స్టార్’ గా మార్చినట్లు దిల్ రాజు (Dil Raju)  ఓ ఇంటర్వ్యూలో చెప్పుకొచ్చారు.