Dil Raju: ‘హనుమాన్’ ఇష్యూ.. దిల్ రాజు లేటెస్ట్ కామెంట్స్ వైరల్

2024 సంక్రాంతికి ‘హనుమాన్’ (Hanu-Man) అనే సినిమా రిలీజ్ అయ్యింది. పోటీగా మహేష్ బాబు (Mahesh Babu) ‘గుంటూరు కారం’, వెంకటేష్ (Venkatesh) ‘సైందవ్’, నాగార్జున (Nagarjuna) ‘నా సామి రంగ’ సినిమాలు రిలీజ్ అయ్యాయి. దీంతో ‘ ‘హనుమాన్’ (Hanu-Man) సినిమాకి ఎక్కువ థియేటర్లు ఇవ్వకుండా చిన్న సినిమాని తోక్కేస్తున్నారు’ అనేది హాట్ టాపిక్ అయ్యింది. మరోపక్క ‘దేవుడి సినిమాకి అన్యాయం చేస్తే దేవుడు ఊరుకోడు’ అనే టాపిక్ కూడా హైలెట్ అయ్యింది.

Dil raju

ఈ సినిమాలు రిలీజ్ అయ్యే వరకు ఇవి సోషల్ మీడియాలో పెద్ద ఎత్తున చర్చనీయాంశం అయ్యాయి. కొన్నాళ్ల తర్వాత ఈ సినిమాల ఓటీటీల రెస్పాన్స్ మారిపోయింది. ‘ ‘హనుమాన్’ (Hanu-Man) లో ఏముందని అంతలా లేపారు?’ అనే చర్చలు కూడా జరిగాయి. తాజాగా ఈ అంశం పై దిల్ రాజు (Dil raju) మరోసారి స్పందించారు. ఆయన ఈ విషయం పై మాట్లాడుతూ.. “నిజమే…! అది వంద శాతం నిజం.

ఇక్కడ 2 ఉన్నాయి. ఒకటి పెద్దవాడు. రెండు చిన్నవాడు. నన్ను పెద్దవాడుగా చూపించి మరో పక్క చిన్నవాడిపై సింపతీ క్రియేట్ చేశారు. అటు వైపు ‘ఎంతవరకు నిజముంది’ అనేది ఎవ్వరూ చూడరు. ఆ టైంలో మేము ఏదో చిన్న సినిమాకి అన్యాయం చేస్తున్నట్టు ప్రమోషన్ చేసుకున్నారు. దాని చుట్టూనే ప్రధానంగా ప్రమోషనల్ ప్లాన్ వేసుకున్నారు.

ఆ తర్వాత నేను క్రాస్ చెక్ చేసుకుంటే.. ఇదంతా నెగిటివ్ ప్రాపగాండా అని తెలిసిందే. ప్రాపర్ గా అది పీఆర్ స్ట్రాటజీ అని కూడా తెలిసింది. నాకు ‘హనుమాన్’ (Hanu-Man) యూనిట్ తో ఎటువంటి సమస్య లేదు. వాళ్ళు సినిమా రెడీ అయ్యాక స్పెషల్ షో వేసి చూపించారు..’సినిమా చూసి బాగుంది’ అని హీరోకి, డైరెక్టర్ కి ఫోన్ చేసి కంగ్రాట్స్ చెప్పాను. నేను సినిమాని లవ్ చేస్తాను. మనుషుల్ని కాదు. మనుషులం ఈరోజు ఉంటాం.. రేపు పోతాం. కానీ మా మధ్య ప్రాపగాండా అలా జరిగింది” అంటూ ఓపెన్ గానే చెప్పుకొచ్చారు దిల్ రాజు (Dil raju).

మంచు విష్ణు కెరీర్ బిగ్గెస్ట్ ఓపెనింగ్స్