దిల్ రాజు బ్యానర్ లో సినిమా అంటే ఎలా ఉంటుందో ఇండస్ట్రీలో అందరికీ తెలిసిందే. స్వేచ్ఛ ఇచ్చినట్లే ఇచ్చి.. తనకు అనుమానం వచ్చినప్పుడు ఎంటర్ అయిపోతాడు. చిన్న డైరెక్టర్, పెద్ద డైరెక్టర్ అనే బేధాలు చూపించడు. ఎవరి విషయంలోనైనా.. ఆయన ట్రీట్మెంట్ ఒకేలా ఉంటుంది. దర్శకుడు అనీల్ రావిపూడి.. దిల్ రాజు బ్యానర్ లో వరుసగా సినిమాలు చేసి సక్సెస్ లు అందుకుంటున్నాడు. అయినప్పటికీ కంట్రోల్ మొత్తం దిల్ రాజు చేతుల్లోనే ఉంటుంది.
ప్రస్తుతం వీరిద్దరూ కలిసి ‘ఎఫ్ 3’ సినిమా కోసం పని చేస్తున్నారు. ఈ సినిమాకి సంబంధించి దిల్ రాజు కథలో కొన్ని మార్పులు, చేర్పులు చెప్పినట్లు సమాచారం. అనీల్ రావిపూడి కూడా దిల్ రాజు సలహా మేరకు స్క్రిప్ట్ ను రీరైట్ చేసినట్లు తెలుస్తోంది. ఈ సినిమాలో హీరో వెంకటేష్ కి రేచీకటి అనే వార్తలు సోషల్ మీడియాలో హల్చల్ చేస్తోన్న సంగతి తెలిసిందే. నిజానికి మొదట ఈ పాయింట్ అనుకోలేదట. అది కూడా దిల్ రాజు సలహా అని తెలుస్తోంది. ‘ఎఫ్2’ లో ఉన్న క్యారెక్టర్స్ అన్నీ కూడా ఈ సినిమాలో కూడా ఉంటాయి.
అయితే అదనంగా కొత్త పాత్రలను సినిమా కోసం సృష్టించినట్లు తెలుస్తోంది. ‘ఎఫ్2’లో కొన్ని డైలాగ్స్ ఎంతగా పేలాయో తెలిసిందే. అలానే ‘ఎఫ్ 3’లో కూడా కొన్ని మేనరిజమ్స్ ప్రయత్నిస్తున్నట్లు సమాచారం. అవన్నీ కూడా చాలా ఎంటర్టైనింగ్ గా ఉంటాయని చెబుతున్నారు. ‘ఎఫ్3’ అంటే ఫన్, ఫస్ట్రేషన్, ఫార్చ్యూన్. టైటిల్ కి తగ్గట్లే సినిమాలో ఫన్, ఫస్ట్రేషన్ తో పాటు అదృష్టానికి కూడా కీలకమైన స్థానం ఉంటుందని తెలుస్తోంది.
Most Recommended Video
చావు కబురు చల్లగా సినిమా రివ్యూ & రేటింగ్!
మోసగాళ్ళు సినిమా రివ్యూ & రేటింగ్!
శశి సినిమా రివ్యూ & రేటింగ్!
