Director Krishna Vamsi: మురారి లాభాల గుట్టు విప్పిన కృష్ణవంశీ.. అంత లాభమొచ్చిందా?

మహేష్ బాబు (Mahesh Babu) కృష్ణవంశీ (Krishna Vamsi) కాంబినేషన్ లో తెరకెక్కిన ఒకే ఒక్క సినిమా మురారి (Murari)  కాగా ఈ సినిమా ప్రేక్షకులను ఎంతో ఆకట్టుకుంది. అయితే కొంతమంది మాత్రం ఈ సినిమా ఫ్లాప్ అని సరైన అవగాహన లేక సోషల్ మీడియా వేదికగా కామెంట్లు చేస్తున్నారు. కృష్ణవంశీ డైరెక్షన్ లో తెరకెక్కిన అద్భుతమైన సినిమాలలో మురారి ఒకటని చెప్పడంలో ఏ మాత్రం సందేహం అవసరం లేదు. మురారి సినిమా మహేష్ బాబు బెస్ట్ పర్ఫామెన్స్ ఇచ్చిన సినిమాలలో ఒకటని చెప్పవచ్చు.

నెటిజన్ ఫ్లాప్ అని చేసిన కామెంట్ గురించి కృష్ణవంశీ స్పందిస్తూ నేను ఐదు సంవత్సరాలకు మురారి తూర్పు గోదావరి జిల్లా హక్కులను 55 లక్షలకు కొనుగోలు చేయగా ఫస్ట్ రన్ లో కోటీ 30 లక్షల రూపాయలు వచ్చాయని ఆయన వెల్లడించారు. ఒక సినిమా హిట్టో ఫ్లాపో చెప్పడానికి కలెక్షన్లు ప్రామాణికం అయితే ఈ సినిమా హిట్టో ఫ్లాపో మీరే నిర్ణయించుకోండి అని ఆయన పేర్కొన్నారు. కృష్ణవంశీ జవాబుతో షాకవ్వడం నెటిజన్ వంతైంది.

కృష్ణవంశీ త్వరలో కొత్త ప్రాజెక్ట్ తో ప్రేక్షకుల ముందుకు రానున్నారని తెలుస్తోంది. ఈ మధ్య కాలంలో సరైన సక్సెస్ లేకపోవడం కృష్ణవంశీకి మైనస్ అయింది. కృష్ణవంశీ బ్లాక్ బస్టర్ సాధిస్తే ఆయనకు ఛాన్స్ ఇవ్వడానికి హీరోలు సిద్ధంగా ఉన్నారు. మురారి రీరిలీజ్ సందర్భంగా కృష్ణవంశీ సోషల్ మీడియాలో యాక్టివ్ గా ఉంటూ వార్తల్లో నిలుస్తున్నారు. ఫ్యామిలీ కథాంశాలతో సినిమాలను తెరకెక్కించే విషయంలో కృష్ణవంశీకి ఎవరూ సాటిరారని నెటిజన్ల నుంచి కామెంట్లు వ్యక్తమవుతున్నాయి.

కృష్ణవంశీ కెరీర్ పరంగా అంతకంతకూ ఎదగాలని మరిన్ని విజయాలను అందుకోవాలని ఫ్యాన్స్ భావిస్తున్నారు. కృష్ణవంశీని అభిమానించే ఫ్యాన్స్ సంఖ్య పెరుగుతోందే తప్ప తగ్గడం లేదు. కృష్ణవంశీ రెమ్యునరేషన్ సైతం పరిమితంగా ఉంది. కృష్ణవంశీకి రాబోయే రోజుల్లో సక్సెస్ దక్కాలని అభిమానులు భావిస్తున్నారు.