Vi Anand, Allu Arjun: బన్నీ సినిమా ఆగిపోయింది అందుకేనట… దర్శకుడి వివరణ!

అల్లు అర్జున్‌ సినిమాల లైనప్‌ గురించి గత కొన్ని నెలలుగా వార్తలు వస్తూనే ఉన్నాయి. ఇదిగో ఈ దర్శకుడితో, అదిగో ఆ దర్శకుడితో అంటూ చెబుతున్నారు. ఇప్పుడు ఓకే అయ్యే సినిమా ‘పుష్ప 2’ తర్వాత ఉంటుంది అని చెప్పారు. అయితే ఇంకా ఏవీ ఎక్కడా ఓకే కాలేదు. మధ్యలో త్రివిక్రమ్‌ సినిమాను అనౌన్స్‌ చేశారు. ఇప్పుడు ఆ సినిమా కూడా ఎప్పుడో తెలియదు అని పుకార్లు వస్తున్నాయి. ఈ క్రమంలో ఆదిలోనే ఆగిపోయిన సినిమా గురించి ఆసక్తికర విషయం బయటకు వచ్చింది.

మీకు గుర్తుంటే కొన్ని నెలల క్రితం గీతా ఆర్ట్స్‌లో బన్నీ – విఐ ఆనంద్‌ ఓ సినిమా చేస్తారని పుకార్లు వచ్చాయి. కథ గురించి డిస్కషన్స్‌ కూడా జరుగుతున్నాయి అని అప్పుడు అన్నారు కూడా. ఒకటి కాదు రెండు కాదు ఏకంగా కొన్ని నెలలపాటు ఈ డిస్కషన్స్‌ జరిగాయి అని చెప్పారు. ఆ తర్వాత ఆ సినిమా గురించి ఎక్కడా ఎలాంటి చర్చ లేదు. దీంతో ఆ సినిమా ఇక లేదనుకుని ఫ్యాన్స్‌ మరచిపోయారు. అయితే ఇప్పుడు ఆ ప్రాజెక్ట్‌ మీద క్లారిటీ వచ్చింది.

‘‘మా ఇద్దరి మధ్య కొన్ని నెలలపాటు ఆ సినిమా కథ గురించి చర్చలు జరిగిన మాట వాస్తవమే. అయితే కథ వల్ల ఆ ప్రాజెక్ట్‌ సెట్‌ కాలేదు’’ అని దర్శకుడు వీఐ ఆనంద్‌ తెలిపారు. అయితే కథ నచ్చకనా, ఇప్పటి ఇమేజ్‌కు తగ్గట్టుగా ఆ కథ లేకపోవడం వల్ల ఆ ప్రాజెక్ట్‌ పట్టాలు ఎక్కలేదా అనేది క్లారిటీ లేదు. ఫైనల్‌గా అయితే ఆ సినిమా లేదని తేలిపోయింది. అయితే గీతా ఆర్ట్స్‌లో మరో సినిమా చేస్తానని వీఐ ఆనంద్‌ (Vi Anand) స్పష్టం చేశారు.

ఇక బన్నీ సంగతి చూస్తే.. ‘పుష్ప 2’ తర్వాత మూడో ‘పుష్ప’రాజ్‌ వస్తాడని రూమర్స్‌ వస్తున్నాయి. ఆ తర్వాతనే త్రివిక్రమ్‌ సినిమా ఉంటుందని అంటున్నారు. అయితే అట్లీతో ఓ యాక్షన్‌ పాన్‌ ఇండియా మూవీ చేయాలనే ఆలోచనలో అల్లు అర్జున్‌ ఉన్నాడని ఓ టాక్‌ కూడా నడుస్తోంది. త్వరలో ఈ విషయంలో క్లారిటీ వస్తుంది.

యాత్ర 2 సినిమా రివ్యూ & రేటింగ్!

ఈగల్ సినిమా రివ్యూ & రేటింగ్!
లాల్ సలామ్ సినిమా రివ్యూ & రేటింగ్!