మహేష్ బాబు హీరోగా త్రివిక్రమ్ దర్శకత్వంలో ‘అతడు’ ‘ఖలేజా’ తర్వాత రాబోతున్న చిత్రం ‘గుంటూరు కారం’. సంక్రాంతి కానుకగా జనవరి 12న రిలీజ్ కాబోతున్న ‘గుంటూరు కారం’ సినిమాకు సంబంధించిన ప్రమోషనల్ డోస్ పెంచింది చిత్ర బృందం. ఈ క్రమంలో ప్రీ రిలీజ్ ఈవెంట్..ని ఈరోజు గుంటూరులోని నంబూరు క్రాస్ రోడ్స్ లో ఘనంగా నిర్వహించింది. ‘గుంటూరు కారం’ ప్రీ రిలీజ్ ఈవెంట్ అనగానే ముఖ్యంగా ఇద్దరి స్పీచ్..ల పై జనాల ఫోకస్ ఉంటుంది.
వాళ్ళే దర్శకుడు త్రివిక్రమ్, హీరో మహేష్ బాబు. అంచనాలకు తగ్గట్టే వాళ్ళు మంచి స్పీచ్..లు ఇచ్చారు. త్రివిక్రమ్.. తనకి తెలుగుపై ఉన్న పట్టును వాడి మహేష్ గురించి గొప్పగా వర్ణిస్తే…, మహేష్ బాబు మాత్రం తన హార్ట్ ఫుల్ ఎమోషనల్ స్పీచ్ తో కట్టిపడేశాడు. ముఖ్యంగా ఈ 2024 జూలై 30 కి మహేష్ బాబు హీరోగా మారి 25 ఏళ్ళు పూర్తి కావస్తోంది. దీంతో మహేష్ బాబు ప్రేక్షకులకు కృతజ్ఞతలు తెలుపుకుంటూ..
“25 సంవత్సరాలు మీరు నాపై చూపించిన అభిమానం నేను ఎప్పటికీ మర్చిపోలేనిది. ప్రతి ఏడాది అది పెరుగుతూనే ఉంది. మీకు చేతులెత్తి దణ్ణం పెట్టడం తప్ప ఏం చేయాలో నాకు తెలీదు. మీరు ఎప్పుడూ నా గుండెల్లో ఉంటారు” అంటూ శిరస్సు వంచి ప్రేక్షకులకు దణ్ణం పెట్టాడు. అందుకు అక్కడికి వచ్చిన వారంతా తిరిగి చేతులెత్తి మహేష్ కు దణ్ణం పెట్టడం అనేది..
మొత్తం ‘గుంటూరు కారం’ (Guntur Kaaram) ప్రీ రిలీజ్ ఈవెంట్..కే హైలెట్ గా నిలిచింది అని చెప్పాలి. దీనికి సంబంధించిన ఫోటోని నమ్రత తన ఇన్స్టాగ్రామ్లో షేర్ చేసి ‘అభిమానుల ప్రేమకు కృతజ్ఞతలు’ అంటూ రాసుకొచ్చారు. ఆమె పెట్టిన పోస్ట్ అలాగే ఆ పిక్ ఇప్పుడు వైరల్ గా మారింది.
ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!
ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!
