Tollywood: ఈ సినిమాలు ఎప్పుడు విడుదలవుతాయో చెబుతారా!

March 13, 2022 / 10:36 PM ISTByFilmy Focus

Join Us

Tollywood: ఈ సినిమాలు ఎప్పుడు విడుదలవుతాయో చెబుతారా!

మీకు గుర్తుందా? కరోనా ఫస్ట్‌ వేవ్‌ వెళ్లిపోయిన తర్వాత, సెకండ్‌ వేవ్‌ వచ్చి కంట్రోల్‌ అయ్యాక… టాలీవుడ్‌లో సినిమాల రిలీజ్‌ డేట్లు వరుస కట్టాయి. మేం అప్పుడు వచ్చేస్తున్నాం, ఇప్పుడు వచ్చేస్తాం అంటూ వరుసగా డేట్స్‌ అనౌన్స్‌ చేశారు. అయితే మళ్లీ తర్వాతి వేవ్‌ వచ్చి సినిమా డేట్స్‌ మారిపోయాయి. కొన్ని సినిమాలైతే అనుకున్న సమయానికి వచ్చేశాయి అయితే ఇప్పుడు మూడో వేవ్‌ పూర్తయింది. కానీ చాలా సినిమాల విడుదల తేదీల విషయంలో క్లారిటీ రావడం లేదు. అవేంటో ఓసారి చూద్దామా.

Click Here To Watch Now

రానా – సాయిపల్లవి కాంబినేషన్‌లో వేణు ఊడుగుల దర్శకత్వంలో రూపొందిన చిత్రం ‘విరాటపర్వం’. వైవిధ్యమైన కథతో రూపొందిన ఈ సినిమాకు ఆ మధ్య డేట్ ఇచ్చారు. కానీ అవ్వలేదు. ఇప్పుడు కొత్త డేట్‌ చెప్పడానికి ఇంకా సమయం తీసుకుంటున్నారు.

Corona effect on Rana Daggubati Virata Parvam movie1

శర్వానంద్‌ – అమల కీలక పాత్రల్లో రూపొందిన సినిమా ‘ఒకే ఒక జీవితం’. శ్రీకార్తిక్‌ దర్శకత్వంలో రూపొందిన ఈ సిమా సిద్ధమై చాలా రోజుల అయ్యింది. తెలుగు, తమిళ భాషల్లో రూపొందిన ఈ సినిమా వేసవిలో వస్తుంది అంటున్నారు. అయితే డేట్‌ ఇంకా ఫిక్స్ అవ్వలేదు.

సమంత – గుణశేఖర్ కాంబోలో రూపొందిన చిత్రం ‘శాకుంతలం’. కాళిదాసు రచించిన శకుంతల – దుష్యంతుల ప్రేమకథ ఆధారంగా రూపొందిస్తున్నారు. నీలిమ గుణ నిర్మాత. దిల్‌ రాజు సమర్పిస్తున్నారు. చిత్రీకరణ పూర్తి చేసుకున్న ఈ సినిమా, నిర్మాణాంతర కార్యక్రమాలు జరుపుకొంటోంది. వేసవి బరిలో సినిమా ఉందంటున్నారు కానీ… నో క్లారిటీ.

అక్కినేని హిట్‌ దర్శకుడు విక్రమ్‌ కె.కుమార్‌, నాగచైతన్య కాంబినేషన్‌లో రూపొందిన చిత్రం ‘థ్యాంక్‌ యూ’. చాలా రోజుల క్రితమే చిత్రీకరణ కార్యక్రమాలు పూర్తి చేసుకున్న ఈ సినిమా వేసవిలో వస్తుందంటున్నారు. కానీ డేట్‌పై నో క్లారిటీ.

సుధీర్‌బాబు హీరోగా మోహన్‌కృష్ణ ఇంద్రగంటి రూపొందించిన చిత్రం ‘ఆ అమ్మాయి గురించి మీకు చెప్పాలి’. ఆ మధ్య పెద్ద ఎత్తున ప్రచారం షురూ చేశారు. అయితే ఏమైందో మళ్లీ ఆ ఊసే లేదు.

సంక్రాంతికి వచ్చేస్తాం అంటూ ఆ మధ్య రాజ‘శేఖర్‌’ హడావుడి చేశారు. అయితే అప్పటి పరిస్థితుల వల్ల వాయిదా పడింది. జీవిత తెరకెక్కించిన ఈ సినిమా రిలీజ్‌ విషయంలో వాయిదాలే కొనసాగుతున్నాయి. మలయాళంలో విజయవంతమైన ‘జోసెఫ్‌’కు రీమేక్‌గా రూపొందిన చిత్రమిది.

పెద్ద సినిమాలతో పోటీ పడుతోంది అంటూ… కల్యాణ్‌రామ్‌ ‘బింబిసార’ సంక్రాంతికి ముందు బయటికొచ్చింది. సినిమా అయ్యిందా లేదా అనేది కూడా తెలియలేదు. ఇప్పుడు మళ్లీ రిలీజ్‌ ఊసు లేదు. అసలు ఏ ఊసూ లేదు.

Kalyan Ram Bimbisara Movie