గత వారం తమిళ్ తో పాటు తెలుగులో కూడా రిలీజ్ అయిన ‘విక్రమ్’ చిత్రం బాక్సాఫీస్ వద్ద భారీ కలెక్షన్లు రాబడుతూ దూసుకుపోతుంది. కమల్‌ హాసన్‌ తో పాటు ఫాహద్‌ ఫాజిల్‌, విజయ్‌ సేతుపతి వంటి స్టార్ హీరోలు కూడా ఈ చిత్రంలో నటించారు. వీరితో పాటు సూర్య కూడా అతిథి పాత్రలో మెరిశాడు. ఇలాంటి కాంబినేషన్లో సినిమా చాలా రేర్ గా వస్తుంది. అందుకే ఈ సినిమా ప్రదర్శింపబడుతున్న థియేటర్లు అభిమానులకి ఓ జాతర వాతావరణాన్ని తెచ్చి పెట్టాయి.ప్రతీ సీన్ కు థియేటర్లలో అభిమానుల రచ్చ మాములుగా ఉండడం లేదు.
ఈ చిత్రంతో దర్శకుడు లోకేష్ కనగరాజన్‌కు పాన్ ఇండియా ఇమేజ్ వచ్చినా ఆశ్చర్యపోనవసరం లేదు. ‘విక్రమ్’ సినిమాని చూసిన వాళ్ళు కూడా మళ్ళీ మళ్ళీ చూడడానికి వెళ్తున్నారు. ఇదిలా ఉండగా.. తాజాగా విక్రమ్ ప్రదర్శింపబడుతున్న ఓ థియేటర్ కు నిప్పంటుకోవడం సంచలనం అయ్యింది. ముఖ్యంగా హీరో సూర్య ఎంట్రీ సీన్ రాగానే ఓ థియేటర్ స్క్రీన్ కు నిప్పంటుకుంది. అది క్రమంగా స్క్రీన్ అంతా వ్యాపించడం జరిగింది.ఇందుకు సూర్య అభిమానులు కారణమా.. లేక థియేటర్ యాజమాన్యం నిర్లక్ష్యం వల్ల చోటు చేసుకున్న ప్రమాదమా అన్నది అర్థం కావడంలేదంటున్నారు స్థానికులు.
మరికొంతమంది అయితే థియేటర్లో షార్ట్‌ సర్క్యూట్‌ కారణంగా మంటలు వచ్చినట్టు చెబుతున్నారు. ఇంకొంత మంది అయితే సూర్య ఫ్యాన్స్‌ థియేటర్లో పటాసులు పేల్చడం వల్లే ఆ ప్రమాదం చోటు చేసుకుంది అని చెబుతున్నారు. అయితే థియేటర్లో మంటలు వచ్చిన వీడియో ఇప్పుడు వైరల్ గా మారింది.
Most Recommended Video
విక్రమ్ సినిమా రివ్యూ & రేటింగ్!
వెంకీ టు నితిన్… ఛాలెంజింగ్ పాత్రలు చేసిన 10 మంది హీరోల లిస్ట్
ప్రభాస్ టు నాని… నాన్ థియేట్రికల్ రైట్స్ రూపంలో భారీగా కలెక్ట్ చేసే హీరోలు..!
