Funky Review in Telugu: ఫంకీ సినిమా రివ్యూ & రేటింగ్!

అక్కడి నుండి కోమల్-చిత్రల ప్రయాణం ఎలా సాగింది? అనేది సినిమా కథాంశం.

నటీనటుల పనితీరు: విశ్వక్ సేన్ కొత్తగా కనిపించాడు. అనుదీప్ ని ఇమిటేట్ చేస్తున్నట్లుగా ఉన్నా.. నటుడిగా మాత్రం అలరించాడు. ముఖ్యంగా క్లైమాక్స్ లో వచ్చే మదర్ ఎమోషనల్ సీన్ లో పరిణితి ప్రదర్శించాడు.

కయాడు అందంగా, నిండుగా కనిపించింది. లిప్ సింక్ ఇవ్వడానికి ఇబ్బందిపడినప్పటికీ.. స్క్రీన్ ప్రెజన్స్ తో అలరించింది. కాకపోతే.. విశ్వక్-కయాడు కెమిస్ట్రీ ఎందుకో కొన్ని సన్నివేశాల్లో సెట్ అవ్వలేదు. కామెడీ మాత్రం బాగా వర్కవుట్ అయ్యింది.

నరేష్, జయకృష్ణల పాత్రలు కొంతమేరకు అలరిస్తాయి. దిల్ రాజు, హరీష్ శంకర్, నాగవంశీ, కళ్యాణ్ శంకర్ ల క్యామియోలు పర్వాలేదనిపించాయి.

సాంకేతికవర్గం పనితీరు: అనుదీప్ సినిమాల్లో ఎప్పుడూ ఏదో ఒక సోషల్ సెటైల్ ఉంటుంది. “జాతి రత్నాలు” ప్రభుత్వాలు, నిరుద్యోగం, రాజకీయ నాయకుల మీద సెటైర్ అయితే.. ప్రిన్స్ విద్యా వ్యవస్థ, కుల వ్యవస్థ మీద సెటైర్. అలాగే.. “ఫంకీ” కూడా సినిమా ఇండస్ట్రీ మీద, హ్యూమన్ ఎమోషన్స్ మీద సెటైర్. అయితే.. సెటైర్ కి డ్రామా వర్కవుట్ అవ్వడం అనేది చాలా కీలకం. ఆ డ్రామా “ఫంకీ”లో లోపించింది. వరుసబెట్టి సింగిల్ లైన్ పంచులు పడుతూనే ఉంటాయి.

ఇంటర్వ్యూల్లో నాగవంశీ చెప్పినట్లు, ఒక పంచ్ ని ఎంజాయ్ చేసేలోపే మరో పంచ్ పడుతుంది. ఈ పంచుల నడుమ కథనం కూనీ అయిపోయింది. సినిమాకి కథ, కథనం కోసం రావొద్దని నాగవంశీ వారించినా, కనీస స్థాయి కథని ఎక్స్ పెక్ట్ చేయడంలో తప్పు లేదు కదా. అనుదీప్ నిజజీవిత శైలి సినిమాలోనూ కనిపిస్తుంది. ఏ విషయాన్ని పెద్దగా సీరియస్ గా ఉండదు. పాత పాటల వాడకం కానీ, రీసెంట్ సినిమాల మీద పంచులు కానీ పూర్తిస్థాయిలో వర్కవుట్ అవ్వలేదు. ఒక రచయితగా ఆకట్టుకోగలిగిన అనుదీప్, దర్శకుడిగా మాత్రం పూర్తిస్థాయిలో అలరించలేకపోయాడు.

భీమ్స్ పాటలు పర్వాలేదు అనిపించేలా ఉండగా.. నేపథ్య సంగీతం మాత్రం సినిమాలోని హ్యూమర్ & ఎమోషన్ ను ప్రాపర్ గా ఎలివేట్ చేయలేదు. నవీన్ నూలి ఎడిట్ ప్యాటర్న్ ఎందుకో కాస్త ఇబ్బందిగానే ఉంది. జంప్ కట్స్ మరీ ఎక్కువయ్యాయి. కంటిన్యూటీ ఇష్యూస్ అయితే బోలెడు.

ప్రొడక్షన్ & ఆర్ట్ వర్క్ విషయంలో మాత్రం నిర్మాత రాజీపడలేదు. సినిమాకి అవసరమైనదానికంటే ఎక్కువే ఖర్చు చేశాడు.

విశ్లేషణ: ఒక సినిమాకి ఏం ఆశించి రావాలి అనే ఎక్సపెక్టేషన్స్ సెట్ చేయడం ఎప్పుడూ మంచిదే. అయితే.. కొంతమంది దర్శకుల సినిమాలకి ఎక్స్ పెక్టేషన్స్ తో సంబంధం లేకుండా.. కంటెంట్ ఎక్స్ పెక్ట్ చేస్తారు ఆడియన్స్. అందులో అనుదీప్ కచ్చితంగా ఒకడు. అనుదీప్ సినిమాలంటే సింగిల్ లైన్ పంచులు, కనీస స్థాయి సీరియస్ నెస్ లేని కథనం, సందర్భాలు ఉంటాయని ఊహించేదే.

అయితే.. కథనం, సందర్భాలు కంటే సెట్ చేసిన మూడ్ కి తగ్గట్లుగా సినిమా సాగుతుందా లేదా అనేది చాలా కీలకం. ఆ సెట్ చేసిన మూడ్ ని కంటిన్యూ చేయడంలో అనుదీప్ తడబడ్డాడు. ఆ కారణంగా “ఫంకీ” పంచులు కొన్ని సార్లు పేలకపోగా, ఇంకొన్నిసార్లు నవ్వాలా వద్దా అనే కన్ఫ్యూజన్ లో పాస్ అంటూ సైడ్ అయిపోయాయి. ఓవరాల్ గా.. “ఫంకీ” వన్ టైమ్ వాచ్ మూవీగా మిగిలింది.

ఫోకస్ పాయింట్: అనుదీప్ మార్క్ ఫన్ కీ సినిమా!

రేటింగ్: 2.5/5

Click Here To Read in TELUGU