టాలీవుడ్ స్టార్ హీరో రామ్ చరణ్ (Ram Charan) , దిగ్గజ దర్శకుడు శంకర్ (Shankar) కాంబినేషన్‌లో రూపొందుతున్న ‘గేమ్ ఛేంజర్’ (Game Changer)పై అంచనాలు మళ్ళీ పెరిగిపోయాయి. ఈ పొలిటికల్ యాక్షన్ డ్రామాలో రామ్ చరణ్ మూడు వేరియేషన్స్‌లో కనిపించబోతున్నట్లు టీజర్ విడుదల తర్వాత క్లారిటీ వచ్చింది. అందులో ముఖ్యంగా రైతు కమ్ పొలిటికల్ లీడర్ ‘అప్పన్న’ పాత్ర గురించి ప్రేక్షకుల్లో భారీ ఆసక్తి నెలకొంది. చరణ్ ఈ పాత్రలో తన ప్రత్యేకతను చూపించబోతున్నారు. ఈ సినిమా టీజర్ లో అప్పన్న పాత్రపై కొన్ని సన్నివేశాలు చూపించడం సినిమాపై మరింత ఉత్కంఠను పెంచింది.
ఇక ఆ క్యారెక్టర్ కు సంబంధించిన కొన్ని లీక్స్ వైరల్ గా మారుతున్నాయి. ఈ పాత్రలో రామ్ చరణ్ పంచెకట్టుతో రైతుగా కనిపిస్తారు. సామాజిక న్యాయం కోసం అప్పన్న పోరాటం చేసే విధానం ఫ్లాష్ బ్యాక్ ఎపిసోడ్‌లో ప్రధానంగా చూపించబోతున్నారు. చరణ్ ఈ పాత్రలో మెప్పించేలా నటించారని టీజర్ చూస్తేనే అర్థం అవుతుంది. రంగస్థలం తరువాత మళ్ళీ అలాంటి పెర్ఫెమెన్స్ ఇవనున్నట్లు తెలుస్తోంది.
ఇండస్ట్రీ వర్గాల్లో వినిపిస్తున్న టాక్ ప్రకారం, అప్పన్న పాత్రలో సున్నితమైన ఎమోషన్స్, పవర్ ఫుల్ యాక్షన్ ఉంటుందని చెబుతున్నారు. ఈ పాత్రలోని కొన్ని కీలక సన్నివేశాలు సినిమా హైలైట్ గా నిలుస్తాయట. ముఖ్యంగా అప్పన్న పోలీసుల మధ్య వచ్చే ఘర్షణ సీన్ ప్రేక్షకులకు కొత్త అనుభూతిని కలిగించబోతుంది. శంకర్ తన ప్రత్యేక స్టైల్ లో ఈ సన్నివేశాలను చిత్రీకరించారని సమాచారం.
అప్పన్న పాత్రలో చరణ్ పర్ఫార్మెన్స్ మాత్రమే కాకుండా, పాత్రకు సంబంధించిన కథ, సన్నివేశాలు కూడా సినిమాకి మెయిన్ అసెట్ గా నిలుస్తాయని చెబుతున్నారు. ఈ పాత్రకు చరణ్ సరసన అంజలి (Anjali) కనిపించనున్నారు, ఆమె పాత్ర కూడా కథకు బలాన్ని చేకూరుస్తుందట. శంకర్ గత చిత్రాల్లో ఫ్లాష్ బ్యాక్ ఎపిసోడ్స్ ఏ స్థాయిలో ఉండేవో అందరికీ తెలిసిందే. ఇప్పుడు అప్పన్న పాత్రతో కూడా అదే స్థాయిలో మైండ్‌బ్లోయింగ్ ఎపిసోడ్ అందించనున్నారని విశ్లేషకులు అభిప్రాయపడుతున్నారు.
Home
