విజయ్ దేవరకొండ, రష్మిక మండన్నా జంటగా పరశురామ్ దర్శకత్వంలో తెరకెక్కుతున్న చిత్రం “గీత గోవిందం”. గీతా ఆర్ట్స్ 2 పతాకంపై బన్నీ వాస్ నిర్మిస్తున్న ఈ చిత్రం టీజర్ ను ఇవాళ విడుదల చేశారు. “అర్జున్ రెడ్డి” అనంతరం విజయ్ హీరోగా రూపొందిన ఈ చిత్రంలో విజయ్ తన యాటిట్యూడ్ కి భిన్నంగా బుద్ధిమంతుడిగా నటిస్తున్నాడు. ఇవాళ విడుదలైన టీజర్ లో విజయ్ కంటే ఎక్కువగా ఆకట్టుకొన్న అంశం రష్మిక గ్లామర్ డోస్. చీర కట్టులో నడుమందాలు ఉదారంగా ఆరబోసిన రష్మికకు ఆల్రెడీ గట్టి ఫ్యాన్ బేస్ ఉండగా.. ఈ టీజర్ విడుదల అనంతరం ఆ ఫ్యాన్ బేస్ మరింత పెరగనుందని స్పష్టమైంది.
టీజర్ మొత్తంలో రష్మిక అలియాస్ గీత పాపం మన విజయ్ అలియాస్ గోవిందంను డామినేట్ చేస్తూనే ఉంది. జంట చూడముచ్చటగా ఉండడమే కాక నవతరం ప్రేమికులకు సరికొత్త గోల్స్ క్రియేట్ చేసేలా ఉంది. ఆగస్ట్ 15న ప్రపంచవ్యాప్తంగా విడుదలకానున్న ఈ చిత్రం తప్పకుండా మంచి విజయం సాధిస్తుందని టీజర్ చూస్తేనే అర్ధమైపోతుంది. ఆల్రెడీ విడుదలైన “ఇంకేం ఇంకేం కావాలే” పాట క్రియేట్ చేసిన ట్రెండ్ కి ఈ టీజర్ కూడా తొడవ్వడంతో.. “గీత గోవిందం” సినిమా ఎంత పెద్ద విజయం సాధించబోతుందా అని సినీ విశ్లేషకులు అంచనా వేయడం మొదలెట్టారు.
Home