Pawan Kalyan: పవన్ కళ్యాణ్ సెట్స్ లో అలా ఉంటారు.. వీరమల్లు నటుడు ఏం చెప్పారంటే?

జనసేన అధినేత, పవర్ స్టార్ పవన్ కళ్యాణ్ తో ఒక్క సినిమాకు పని చేసినా ఆయనతో కలిసి పని చేసిన నటీనటులు పవన్ గురించి గొప్పగా చెబుతారనే సంగతి తెలిసిందే. పవన్ కళ్యాణ్ స్టార్ హీరో అయినా రియల్ లైఫ్ లో సింపుల్ గా ఉండటానికి ఎంతగానో ఇష్టపడతారు. హరిహర వీరమల్లు సినిమా కోసం పవన్ కళ్యాణ్ షావోలిన్ వారియర్ మంక్ అకాడమీలో శిక్షణ తీసుకున్నారు. పవన్ కు శిక్షణ ఇచ్చిన వ్యక్తి పేరు హర్ష్ వర్మ కాగా హరిహర వీరమల్లు సినిమాలో హర్ష్ వర్మ కూడా కనిపించనున్నారు.

తాజాగా ఒక ఇంటర్వ్యూలో పాల్గొన్న హర్ష్ వర్మ హరిహర వీరమల్లు సినిమా గురించి కీలక వ్యాఖ్యలు చేయగా ఆ వ్యాఖ్యలు నెట్టింట వైరల్ అవుతున్నాయి. పవర్ స్టార్ పవన్ కళ్యాణ్ గారితో కలిసి నటించడం నాకు ఎంతో సంతోషాన్ని కలిగిస్తోందని ఆయన అన్నారు. ఇది నాకు దక్కిన గౌరవం అని నేను భావిస్తానని ఆయన చెప్పుకొచ్చారు. షూటింగ్ సమయంలో సెట్ లో పవన్ ను చూసి ఆశ్చర్యపోయానని హర్ష్ వర్మ కామెంట్లు చేశారు.

పవన్ కళ్యాణ్ ఎప్పుడూ ప్రశాంతంగా ఉంటారని ప్రతి విషయంలో పవన్ కళ్యాణ్ దృష్టి స్పష్టంగా ఉంటుందని హర్ష్ వర్మ వెల్లడించారు. పవన్ మనస్తత్వం ఎంత ఎదిగినా ఒదిగి ఉండే మనస్తత్వమని ఏదైన సీన్ ను అప్పటికప్పుడు మార్చినా పవన్ కళ్యాణ్ అర్థం చేసుకుంటారని హర్ష్ వర్మ కామెంట్లు చేశారు. పవన్ కు శిక్షణ ఇచ్చే సమయంలో నాకు కూడా నటనపై ఆసక్తి ఉందని చెప్పడంతో వెంటనే లుక్ టెస్ట్ చేశారని ఆయన అన్నారు.

పవన్ కళ్యాణ్ (Pawan Kalyan) వల్లే నాకు నటించాలనే కోరిక పుట్టిందని హర్ష్ వర్మ కామెంట్లు చేశారు. హరిహర వీరమల్లు మూవీ క్లైమాక్స్ సీన్స్ షూట్ చేయాల్సి ఉందని ఆయన అన్నారు. ప్రస్తుతం నేను పలు బాలీవుడ్ సినిమాలలో సైతం నటిస్తున్నానని హర్ష్ వర్మ అభిప్రాయం వ్యక్తం చేశారు. హర్ష్ వర్మ వెల్లడించిన విషయాలు సోషల్ మీడియాలో వైరల్ అవుతున్నాయి. హర్ష్ వర్మ కెరీర్ పరంగా బిజీ కావాలని నెటిజన్లు కోరుకుంటున్నారు.

జవాన్ సినిమా రివ్యూ & రేటింగ్!

మిస్ శెట్టి మిస్టర్ పోలిశెట్టి సినిమా రివ్యూ & రేటింగ్!
‘బిగ్ బాస్ 7’ 14 మంది కంటెస్టెంట్స్ పారితోషికాల లిస్ట్..!