గీత గోవిందం హిట్ కొట్టడంతో బన్నీకి శుభాకాంక్షలు చెప్పిన హరీష్ శంకర్

గీత గోవిందంలో హీరో హీరోయిన్లు విజయ్ దేవరకొండ, రష్మిక. డైరక్ట్ చేసింది పరుశురామ్. సమర్పించింది అల్లు అరవింద్ అయినప్పటికీ నిర్మించింది బన్నీ వాసు. మరి సినిమా హిట్ అయితే వీరికి కదా శుభాకాంక్షలు చెప్పాల్సింది.. డైరక్టెర్ హరీష్ శంకర్ ఏంటి .. అల్లు అర్జున్ కి కంగ్రాట్స్ చెబుతున్నారు.? పొరపాటు పడ్డారా? అని సందేహం కలగకమానదు. ఆయన మాత్రం పొరపాటు పడలేదు. అలా ఎందుకు అన్నారో.. వివరాల్లోకి వెళితే.. దర్శకుడు హరీష్ శంకర్ ఈ సినిమాని న్యూజెర్సీలో చూసారు. ఆ విషయాన్ని ట్విట్టర్ వేదికపై వెల్లడించారు. “సోమవారం సాయంత్రం థియేటర్ మొత్తం హౌస్ ఫుల్ అయిపోయింది. నాన్ స్టాప్ ఎంటర్ టైనర్ గా సినిమాను చాలా గొప్పగా తెరకెక్కించారు. గీతా ఆర్ట్స్ సంస్థకు, దర్శకుడు పరశురామ్ కు, నటీనటులకు, టెక్నీషియన్స్ కు శుభాకాంక్షలు.

విజయ్ దేవరకొండ… నీకు నీవే సాటి. నీ నడక తీరు, ఎక్స్ ప్రెషన్స్ అన్నీ సూపర్బ్. ఇలాంటి మరెన్నో చిత్రాల్లో విజయ్ నటించాలి” అని చెప్పారు. అంతటితో ఆగకుండా.. “రష్మిక.. మీరు నటన చాలా బాగుంది. ఇప్పుడు మీరొక స్టార్. ఈ ఇండస్ట్రీలో మీరు ఎంతో కాలం ఉంటారు” అంటూ హరీష్ ప్రశంసించారు. చివరగా.. “ఈ సినిమా షూటింగ్ మొదలైనప్పటి నుంచి అల్లు అర్జున్ నాకు ఈ చిత్రం గురించి చెబుతూనే ఉన్నారు. ‘బన్నీ సార్… కంగ్రాట్స్. ఈ సినిమా గురించి మీరు చెప్పిందంతా నిజమే’ అంటూ ట్వీట్ చేశారు. ఇలా సామాన్యులనే కాకుండా సెలబ్రిటీలను గీత గోవిందం సినిమా ఆకట్టుకుంటోంది. భారీ కలక్షన్స్ దిశగా దూసుకుపోతోంది.