మా హీరో సినిమా హిట్టవ్వాల్సిందే. దానికి పోటీగా వేరే హీరో సినిమా వచ్చినా మా సినిమాను హిట్‌ చేస్తాం.. ఇలా అనుకునేవారు ఒకప్పుడు టాలీవుడ్‌ జనాలు. ఫ్యానిజం ఇలా అనిపిస్తే అది వాళ్లకు హీరో మీద ఉన్న అభిమానం అదీ అనుకోవచ్చు. కానీ మా హీరోకు కాకుండా వేరే హీరోకు పేరొస్తే మేం తట్టుకోలేం అని అనుకుంటే.. దాని వల్ల వాళ్లకు ఆనందం కలగొచ్చేమో కానీ, ఆ హీరోకు, పేరో లేక అవార్డో ఇచ్చిన సంస్థకు చాలా ఇబ్బందిగా అనిపిస్తుంది.
ప్రస్తుతం అలాంటి ఇబ్బంది ఎదుర్కొంటున్న సంస్థ హెచ్‌సీఏ. అంటే హాలీవుడ్ క్రిటిక్స్ అసోసియేషన్. అదేంటి టాలీవుడ్‌ ఫ్యాన్స్ వల్ల హాలీవుడ్ క్రిటిక్స్ అసోసియేషన్ ఇబ్బందిపడుతోంది. తెలుగు చిత్రసీమలో అభిమానుల మధ్య ఘర్షణ పూరిత వాతావరణం చాలా రోజులగా ఉంటూనే ఉంది. తమ హీరో గొప్ప అంటే తమ హీరో గొప్ప అంటూ సోషల్ మీడియాలో ఫ్యాన్ వార్స్ జరుగుతున్నాయి. అయితే అభిమానుల ముసుగులో కొంతమంది కావాలనే ఇలా చేస్తున్నారనే విమర్శలూ ఉన్నాయి.
ఇప్పుడు ఆ వార్‌ హాలీవుడ్ క్రిటిక్స్ అసోసియేషన్ ఏకంగా సంజాయిషీ ఇచ్చుకునేంతవరకు వెళ్లింది. బాబూ మేం ఎన్టీఆర్‌ని పిలిచాం. త్వరలో అవార్డు కూడా ఇస్తాం అంటూ ట్వీట్ చేసే పరిస్థితి తీసుకొచ్చింది.‘హాలీవుడ్ క్రిటిక్స్ అసోసియేషన్’ పురస్కారాల కార్యక్రమానికి ‘ఆర్ఆర్ఆర్’ సినిమా దర్శకుడు రాజమౌళి, రామ్ చరణ్, సంగీత దర్శకుడు కీరవాణి, సినిమాటోగ్రాఫర్ సెంథిల్, కార్తికేయ హాజరయ్యారు. బెస్ట్ వాయిస్ / మోషన్ క్యాప్చర్ అవార్డును రామ్ చరణ్ ప్రజెంట్ చేశారు. ఈ సందర్భంగా అతని కో ప్రజెంటర్…
చరణ్ పక్కన నిలబడటమే తనకు అవార్డ్ విన్నింగ్ మూమెంట్ అన్నట్లు మాట్లాడింది. అలాగే ఈ అవార్డుల్లో స్పాట్ లైట్ అవార్డును చరణ్ అందుకున్నారు. నందమూరి తారక రత్న మరణంతో అవార్డుల కార్యక్రమానికి ఎన్టీఆర్ వెళ్లేలేదన్న విషయం తెలిసిందే . అయితే సోషల్ మీడియాలో ఎన్టీఆర్, రామ్ చరణ్ అభిమానులు ఈ విషయంలో పెద్ద చర్చ పెట్టారు. రామ్ చరణ్ ఒక్కడిని పిలవడం వెనుక ఏదో ఉందంటూ చర్చలో మాట్లాడుకున్నారు. తారక్ ఎందుకు వెళ్లలేదో తెలిసినా అలా మాట్లాడట గమనార్హం.
ఆఖరికి ఈ చర్చ హెచ్‌సీఏ వరకు వెళ్లింది. దీంతో వాళ్ల టీమ్ ఓ ట్వీట్ చేసింది. ‘‘డియర్ ‘ఆర్ఆర్ఆర్’ ఫ్యాన్స్ & సపోర్టర్స్… మేం తారక్‌ను పిలిచాం. కొత్త సినిమా షూటింగ్ కారణంగా ఆయన రాలేకపోయారు. అలాగే అతని సోదరుడు ఇటీవల కన్నుమూయడం వల్ల కూడా మా కార్యక్రమానికి హాజరు కాలేకపోయారు’’ అంటూ క్లారిటీ ఇచ్చింది హెచ్‌సీఏ టీమ్. అంతేకాదు అతి త్వరలో మేం అతనికి అవార్డు అందజేస్తాం. మీ ప్రేమ, అభిమానాలకు థాంక్యూ అని హాలీవుడ్ క్రిటిక్స్ అసోసియేషన్ ట్వీట్ చేసింది.
ఫస్ట్‌డే కోట్లాది రూపాయల కలెక్షన్స్ కొల్లగొట్టిన 10 మంది ఇండియన్ హీరోలు వీళ్లే..!
ఆరడగులు, అంతకంటే హైట్ ఉన్న 10 మంది స్టార్స్ వీళ్లే..!
స్టార్స్ కి ఫాన్స్ గా… కనిపించిన 11 మంది స్టార్లు వీళ్ళే
ట్విట్టర్ టాప్ టెన్ ట్రెండింగ్‌లో ఉన్న పదిమంది సౌత్ హీరోలు వీళ్లే..!
Home